الماتىدا قالا باسشىسى ەربولات دوسايەۆتىڭ تاپسىرماسىمەن 2024 جىلدىڭ سوڭىنا دەيىن 15 مىڭ قالالىق نىسان پاسپورتتالىپ، 750 نىسان مۇمكىندىگى شەكتەۋلى ازاماتتاردىڭ پايدالانۋىنا بەيىمدەلەدى. بۇل تۋرالى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى مالىمدەدى، دەپ حابارلايدى almaty-akshamy.kz
بۇل شارالار «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالار» اياسىندا جۇزەگە اسىرىلىپ جاتىر. ينكليۋزيۆتى قالا قاعيداتتارىن ەنگىزۋ جانە الماتىنىڭ ساپالى ينفراقۇرىلىمىن دامىتۋ قالالىق اكىمدىكتىڭ باستى مىندەتتەرىنىڭ ءبىرى بولىپ تابىلادى.
پاسپورتتاۋ پروسەسىن اۆتوماتتاندىرۋ ءۇشىن قالانىڭ سيتۋاسيالىق ورتالىعىمەن بىرلەسىپ، ەڭبەك شىعىندارىن قىسقارتۋعا جانە وبەكتىلەردى پاسپورتتاۋ مەن بەيىمدەۋدىڭ بارلىق كەزەڭدەرىن ناقتى ۋاقىت رەجيمىندە باقىلاۋعا مۇمكىندىك بەرەتىن ءموبيلدى نۇسقا ازىرلەندى.
سونىمەن قاتار، 1 900 قوعامدىق كولىك ايالداماسى مەن 11 مەترو ستانسياسىن پاسپورتتاۋ دا جوسپارلانعان.
الەۋمەتتىك قىزمەتتەر پورتالى ارقىلى بيىل مۇگەدەكتىگى بار 42 959 ادامعا 16،9 ميلليارد تەڭگە كولەمىندە وڭالتۋ قۇرالدارى مەن الەۋمەتتىك قىزمەتتەر كورسەتىلەدى دەپ جوسپارلانۋدا. 1 مامىرعا دەيىن «ينۆاتاكسي» تاسىمالداۋ قىزمەتى ءۇشىن 100 ماشينا ۇسىنىلعان. 422 ادام كرەسلو-اربالارمەن، 552 ادام سۋردوقۇرالدارمەن، 889 ادام تيفلوقۇرالدارمەن، 1 294 ادام پروتەزدەۋمەن جانە ورتەزدەۋمەن، 5 097 ادام گيگيەنالىق قۇرالدارمەن قامتاماسىز ەتىلگەن.
ساناتورلىق-كۋرورتتىق ەمدەۋ قىزمەتتەرىن 1 586 الماتىلىق، جەستەۋ ءتىلى مامانىنىڭ قىزمەتىن 827 ادام، ال جەكە كومەكشىنى 3 265 ادام پايدالاندى.
«TenQogam» مۇمكىندىگى شەكتەۋلى ادامداردى جۇمىسقا ورنالاستىرۋ ورتالىعى» الەۋمەتتىك جوباسى ودان ءارى جالعاسۋدا.
بۇل شارالار الماتى قالاسىنىڭ ينفراقۇرىلىمىن جاقسارتۋ جانە ينكليۋزيۆتى قوعام قۇرۋ باعىتىندا ۇلكەن قادام بولىپ تابىلادى.