تۋريستىك ينفراقۇرىلىمدى دامىتۋ شەڭبەرىندە بيىل قالانىڭ نومىرلىك قورى 3 مىڭ جاتىن ورىنعا ۇلعايىپ، 27 مىڭ جاتىن ورىنعا جەتەدى. وتكەن جىلى بۇل كورسەتكىش 2،2 مىڭ جاتىن ورىن بولعان.
وسى جىلدىڭ سوڭىنا دەيىن 390 بولمەلى تاعى 2 ءقوناقۇي بوي كوتەرەدى. اتاپ ايتساق، 90 بولمەلى «Medeu Park Hotel»، 300 بولمەلى «Parkside living» ءاپارت-قوناقۇيى اشىلاتىن بولادى. سونىمەن قاتار 3 كەمپينگ-ايماق بار. كىشى جانە ۇلكەن الماتى شاتقالدارىندا ۇزىندىعى 150 كم 10 تاۋ مارشرۋتى قۇرىلادى. بۇل مارشرۋتتار سيفرلاندىرىلادى، دەپ حابارلايدى Almaty-akshamy.kz.
«قازىرگى تاڭدا الماتىدا 16 گلەمپينگتىك «Qazaq Auyl» ەكو-قوناقۇيى جانە 112 بولمەلى «Grand Mildom» ءقوناقۇيى اشىلدى. مەملەكەت باسشىسى تۇرگەن مەن قاسكەلەڭ اراسىنداعى تاۋ كلاستەرىنىڭ شىعىس جانە باتىس بولىكتەرىن كەشەندى دامىتۋدى تاپسىردى. بۇل ماقساتتا مادەنيەت جانە سپورت مينيسترلىگىمەن بىرلەسىپ الماتى اگلومەراسياسى شەڭبەرىندە تۇرگەننەن باستاپ قاسكەلەڭگە دەيىنگى تاۋ كلاستەرىن دامىتۋ تۇجىرىمداماسىن ازىرلەۋ جۇرگىزىلۋدە. ونى وسى جىلدىڭ سوڭىنا دەيىن اياقتاۋ جوسپارلانۋدا»، - دەيدى الماتى قالاسىنىڭ اكىمى ە.دوسايەۆ.
بيىلعى جىلى شەتەلدىك تۋريستەر سانى 450 مىڭ ادامعا، ىشكى تۋريستەر سانى 1،5 ملن. ادامعا دەيىن وسەدى دەپ كۇتىلۋدە. وتكەن جىلى شەتەلدىك تۋريستتەر سانى – 417،3 مىڭ ادام، ىشكى – 1،4 ملن. ادامعا جەتكەن.