حالىقارالىق اۋەجايدان ۇستالعان كۇدىكتىلەر جالپى سوماسى 550 مىڭ اقش دوللارى مەن 27 مىڭعا جۋىق ەۋرونى زاڭسىز شەكارا اسىرماق بولعان.
وسى فاكتىلەر بويىنشا 2 قىلمىستىق جانە 20 اكىمشىلىك قۇقىقبۇزۋشىلىق دەرەگى تىركەلدى، دەپ حابارلايدى Almaty-akshamy.kz Qazaqstan.tv سايتىنا سىلتەمە جاساپ.
ايتا كەتەيىك، قارجىلىق مونيتورينگ اگەنتتىگى سىرت ەلگە شىعۋشىلار ءۇشىن شەتەلدىك ۆاليۋتاداعى قولما-قول اقشا 10 مىڭ اقش دوللارىنان اسپاۋى كەرەك ەكەنىن ەسكەرتەدى.
"قازاقستان رەسپۋبليكاسى زاڭناماسىنىڭ تالاپتارىن بۇزعانى ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان. سونداي-اق سوت شەشىمىمەن كورسەتىلگەن اقشا مەن تاۋارلار مەملەكەت پايداسىنا تاركىلەنۋى مۇمكىن"، - دەدى ق ر قارجىلىق مونيتورينگ اگەنتتىگىنىڭ رەسمي وكىلى الىبەك ءابدىلوۆ.