يممۋنيتەتى تولىق قالىپتاسپاۋى سەبەپتى كوبىنەسە 5 جاسقا دەيىنگى بالالار اۋىرادى
الماتىدا جىل باسىنان بەرى 4 ادام مەنينگوكوكك ينفەكسياسىن جۇقتىرعان. ونىڭ 2-ەۋى 14 جاسقا دەيىنگى بالا، بىرەۋى ءجاسوسپىرىم (15 جاس) جانە بىرەۋى ەرەسەك ادام. بۇل تۋرالى الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنەن ءمالىم ەتتى، دەپ حابارلايدى Almaty-akshamy.kz.
«مەنينگوكوكك ينفەكسياسى – Neisseria meningitides باكتەريا تۋدىراتىن ءجىتى ينفەكسيالىق اۋرۋ. اۋرۋ اۋا ارقىلى بەرىلەدى (جوتەلگەندە، تۇشكىرگەندە، سويلەسكەندە). مەنينگوكوككتىڭ العاشقى سپەسيفيكالىق بەلگىلەرى بولمايدى، قاراپايىم سۋىق تيۋگە ۇقساس بولادى (تەمپەراتۋرانىڭ كوتەرىلۋى، باس اۋرۋى). اۋرۋدىڭ بەلگىلەرى پايدا بولعان جاعدايدا، مەديسينالىق كومەككە جۇگىنۋ كەرەك»، - دەپ حابارلادى ۆەدومستۆودا.
اۋرۋدىڭ نەگىزگى كلينيكالىق بەلگىلەرىنە: دەنە تەمپەراتۋراسىنىڭ 39،0°س جانە ودان جوعارى بولۋى، باس اۋرۋى، جۇرەك اينىماي قۇسۋ، گەمورراگيالىق بورتپە، مويىن بۇلشىقەتتەرىنىڭ كەرنەۋى، تىنىس الۋدىڭ بۇزىلۋى، اقىل-ەستىڭ بۇزىلۋى جاتادى.
«مەنينگوكوكك ينفەكسياسى قىس جانە كوكتەم ايلارىندا ءورشي تۋسەدى. سەبەبى، بۇل ۋاقىتتا ادامنىڭ يممۋندىق جۇيەسى بۇل ۋاقىتتاردا كوپتەگەن ۆيرۋستار - جرۆي، تۇماۋ جانە ت.ب. اسەرىنەن السىرەيدى. يممۋنيتەتى تولىق قالىپتاسپاۋى سەبەپتى كوبىنەسە 5 جاسقا دەيىنگى بالالار، سونداي-اق، شىلىم شەگەتىن جاسوسپىرىمدەر، جاس ادامدار اۋىرادى»، - دەپ حابارلادى قالالىق سانيتارلىق-ەپيدەميولوگيالىق باقىلاۋ دەپارتامەنتىندە.