الماتىدا جۇمىسسىزدىق دەڭگەيى تومەندەگەن.
حالىقتى جۇمىسپەن قامتۋ ماسەلەسى ماڭىزدى ماسەلەلەردىڭ ءبىرى بولىپ قالا بەرەدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ مالىمدەدى، دەپ حابارلايدى aqshamnews.kz
«اعىمداعى جىلدىڭ 7 ايىندا جۇمىس ىزدەپ جۇرگەن 43،5 مىڭ قالا تۇرعىنى ەڭبەك موبيلدىلىگى ورتالىعىنا جۇگىندى، ونىڭ ىشىندە 33 مىڭ ادام جۇمىسسىز مارتەبەسىن الدى. جالپى، وسى كەزەڭدە 31 مىڭ ادام جۇمىسپەن قامتۋدىڭ بەلسەندى شارالارىنا تارتىلدى (16 ملرد.تەڭگە ءبولىندى)، ونىڭ ىشىندە تۇراقتى جۇمىسقا 4،4 مىڭ ادام، سۋبسيديالاناتىن جۇمىس ورىندارىنا 9،8 مىڭ ادام جۇمىسقا ورنالاستىرىلدى»، - دەدى باۋىرجان جاۋباسوۆ.
ەnbek.kz پلاتفورماسىندا «باستاۋ بيزنەس» جوباسى بويىنشا جانە داعدىلارعا وقىتۋدان 2 مىڭ ادام ءوتتى.
ءىسىن جاڭا باستاعان 177 كاسىپكەر 1،5 ملن.تەڭگەدەن مەملەكەتتىك گرانتتار الدى، ولاردىڭ نەگىزگى ۇلەسىن نەمەسە 68%-ن (120 ادام) كوپبالالى وتباسىلار قۇرايدى، سونداي-اق 46 ادام مۇگەدەك ادامدار جانە مۇگەدەك بالالاردى تاربيەلەپ وتىرعان وتباسىلار.
وكق سپيكەرى اتاپ وتكەندەي، قىسقا مەرزىمدى وقىتۋعا جولداما بەرۋ ماۋسىم ايىنان باستالدى، بۇگىنگى كۇنى 358 جۇمىسسىز وقيدى (جوسپار 950 ادام). وقىتۋ كەيىننەن جۇمىسقا ورنالاسۋمەن جۇرگىزىلەدى.
«وقۋ ورتالىقتارى (17 كاسىپ بويىنشا 25 وقۋ ورتالىعى) ءبىلىم الۋشىلاردىڭ كەمىندە 60% -ن جۇمىسقا ورنالاستىرۋعا مىندەتتى. سونداي-اق جۇمىس بەرۋشىلەر بازاسىندا (26 كاسىپ بويىنشا 15 جۇمىس بەرۋشى) جۇمىسسىزداردى كەيىننەن كاسىپورىندا جۇمىسقا ورنالاستىرۋمەن وقىتۋدان وتەدى»، - دەپ ناقىتىلادى ول.
14،5 مىڭ وقۋشى، ستۋدەنتتەر مەن جۇمىسسىزدار اراسىندا كاسىپتىك باعدار وتكىزىلدى.
«اعىمداعى جىلى ىسكە اسىرىلىپ جاتقان تۇجىرىمدامالار مەن كاسىپكەرلىك سۋبەكتىلەرى شەڭبەرىندە 36 628 جۇمىس ورنى قۇرىلدى (87 025 جوسپارىنىڭ 42%)، ونىڭ ىشىندە 26 573 تۇراقتى جۇمىس ورنى (68 296 جوسپارىنىڭ 39%)، 10 055 ۋاقىتشا جۇمىس ورىندارى (18 729 جوسپاردىڭ 53،7%.)»، - دەپ اتاپ ءوتتى ب.جاۋباسوۆ.
وسىلايشا، حالىقتى جۇمىسپەن قامتۋ بويىنشا مەملەكەت ىسكە اسىراتىن بارلىق شارالار قالادا جۇمىسسىزدىق دەڭگەيىن 1 توقساندا 5% - دان 4،7% - عا دەيىن تومەندەتۋگە مۇمكىندىك بەردى، بۇل رەسپۋبليكا بويىنشا كورسەتكىشپەن بىردەي دەڭگەيدە.
الماتىدا زەينەتكەرلەردى جۇمىسقا ورنالاستىرۋ باعدارلاماسى دا ىسكە قوسىلعان.
«بۇرىندا ايتقانىمداي، ءبىز زەينەتكەرلىك جاستاعى ادامداردى جۇمىسپەن قامتۋعا تارتۋ بويىنشا تەڭ جاعدايلار جاساۋ، ولاردىڭ بەلسەندى فيزيكالىق جانە ەموسيونالدىق جاعدايىن قولداۋ، تالىمگەرلىك ينستيتۋتىنىڭ ۇجىمدارىندا دامىتۋ ماقساتىندا جۇمىسقا ورنالاستىرۋ بويىنشا جۇمىسپەن قامتۋدىڭ جاڭا باعدارلاماسىن ەنگىزدىك. ەڭبەككە اقى تولەۋ ەكى كوزدەن جۇرگىزىلەدى: قالا بيۋدجەتى قاراجاتى ەسەبىنەن 85 مىڭ تەڭگەدەن اسپايتىن سۋبسيديالاۋ، سونداي-اق جۇمىس بەرۋشىنىڭ ەسەبىنەن بەلگىلەنگەن جالاقى مولشەرىنىڭ كەمىندە 50% مولشەرىندە. بۇگىنگى تاڭدا 200-گە جاقىن زەينەتكەر جۇمىسقا ورنالاستىرىلدى، جىلدىق جوسپارى 500 ادام»، - دەپ تولىقتىردى باۋىرجان جاۋباسوۆ.
بۇل باعدارلاما 1،5 مىڭعا دەيىن زەينەتكەردى قامتي وتىرىپ 2024-2026 جىلدارعا ارنالعان.