ءۇش مەكتەپ، التى كوپقاباتتى ءۇي، جەدەل جاردەمنىڭ قوسالقى ستانسياسى، پسيحياتريالىق اۋرۋحانا ورتالىعىنىڭ قوسىمشا ايماقتارى، ۋچاسكەلىك پوليسيا بەكەتتەرى مەن ساۋدا پاۆيلونى. اتالعان نىسانداردىڭ بارلىعى الماتى اكىمدىگىنىڭ كوممۋنالدىق مەنشىگىنە اينالدى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگى كەزىندە قالالىق مەملەكەتتىك اكتيۆتەر باسقارماسىنىڭ باسشىسى سەرىك يبرايەۆ ءمالىم ەتتى دەپ حابارلايدى almaty-akshamy.kz
ايتا كەتەرلىگى، قابىلدانعان 19 وبەكتىنىڭ جالپى قۇنى 12 ميلليارد 245 ميلليون تەڭگەنى قۇرايدى.
«بۇلار – جاڭادان سالىنعان نىساندار. ولاردىڭ ىشىندە مامىر-1 شاعىن اۋدانىنداعى 1200 ورىندى جاڭا مەكتەپ عيماراتى، سونداي-اق №123 جانە 164 مەكتەپتەردىڭ جاڭا عيماراتتارى بار. سونىمەن قاتار ءۇش جاڭا دەنساۋلىق ساقتاۋ نىساندارى سالىندى. ولار – پاتولوگواناتوميا بيۋروسى، جەدەل جاردەمنىڭ قوسالقى ستانسياسى، پسيحياتريالىق اۋرۋحانا ورتالىعىنىڭ كەڭەيتىلگەن ايماقتارى. التى كوپپاتەرلى تۇرعىن ءۇي كوممۋنالدىق تۇرعىن ءۇي قورىنا قوسۋ ءۇشىن تۇرعىن ءۇي ساياساتى باسقارماسىنا، التى ۋچاسكەلىك پوليسيا پۋنكتى الماتى پوليسيا دەپارتامەنتىنىڭ بالانسىنا، ءبىر ساۋدا پاۆيلونى تۋريزم باسقارماسىنا بەرىلدى»، - دەدى سەرىك يبرايەۆ.
سونىمەن قاتار، 75 جىلجىمايتىن مۇلىك وبەكتىسى رەسپۋبليكالىق مەنشىكتەن كوممۋنالدىق مەنشىككە بەرىلدى. بۇل تىزىمدە تۇرعىن ءۇي ساياساتى باسقارماسىنا جەكەشەلەندىرۋ ءۇشىن برىلگەن 53 پاتەر، الماتى تەمىرجول اۋرۋحاناسى، №9 وقۋشىلار ۇيىنە ءبىر عيمارات، جەتىسۋ اۋدانىنداعى بالالارعا ارنالعان ورتالىق اشۋعا ارنالعان عيمارات، پوليسيا ءبولىمىنىڭ ەمحاناسى، ارنايى جەدەل وتريادتىڭ ۆزۆودى ورنالاساتىن ءبىر عيمارات جانە باسقالارى بار.
سەرىك يبرايەۆ جالپى قۇنى 99،8 ميلليون تەڭگە بولاتىن ءۇش نىسان سىيلىق كەلىسىمى بويىنشا قابىلدانعانىن ايتتى. بۇل المالى اۋدانىنداعى «اركا» ونەر نىسانى، سونىمەن قاتار تولەبايەۆ كوشەسى 25/18 مەكەنجايداعى عيمارات، ول ءقازىر دايىندىق سىنىپتارىن اشۋ ءۇشىن ءبىلىم باسقارماسىنا بەكىتىلگەن.
ال ءۇشىنشى نىسان - امانگەلدى كوشەسى، 68ا عيماراتى، وندا «باۋم توعايىنىڭ» جانە ونى جاساۋشىلاردىڭ تاريحىنا ارنالعان مۇراجاي ەكسپوزيسياسىن قۇرۋ جوسپارلانۋدا. سونىمەن قاتار گەرباريي قورى بولادى. عيمارات «مەدەۋ» ماتپ بالانسىنا بەرىلدى.