الماتىدا «اۆتوكولىك» جەدەل-الدىن الۋ شاراسى ءجۇرىپ جاتىر. رەيد بارىسىندا قالانىڭ ورتالىق بولىگىندە لاس جۇك كولىگى توقتاتىلىپ، جۇرگىزۋشىلەرى جاۋاپقا تارتىلدى، دەپ حابارلايدى almaty-akshamy.kz الماتى قالالىق پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
«بۇل رەتتە ايتا كەتۋ كەرەك، كوبىنەسە لاس كولىكتەر قۇرىلىس نىساندارىندا قولدانىلادى. قۇرىلىس الاڭىنان شىعىپ، جول بويىندا كەتىپ بارا جاتقان اۋىر جۇك كولىگىنىڭ جۇرگىزۋشىلەرى ءوز كولىگىن تازا سۇتاۋعا مىندەتتى. ءىس جۇزىندە، تاجىريبە كورسەتكەندەي، بۇل ءتارتىپ بارلىق جەردە ساقتالمايدى. كورسەتىلگەن الدىن الۋ ءىس-شاراسى وسىنداي فاكتىلەردى انىقتاۋعا باعىتتالعان»، - دەدى مەدەۋ اۋداندىق پب باستىعىنىڭ مىندەتىن اتقارۋشى، پوليسيا مايورى ەلنۇر قۇدرەتبايەۆ.
سپيكەردىڭ سوزىنشە، تەكسەرىس كەزىندە 106 لاس جۇك كولىك جۇرگىزۋشىسى اكىمشىلىك جاۋاپقا تارتىلدى.
اتاپ ايتار بولساق، ق ر اقبك-نىڭ 602-بابىنىڭ تالاپتارىن بۇزعانى ءۇشىن - 15 فاكتى، ق ر اقبك-نىڭ 630-بابى 1-بولىگى - 28 فاكتى، ق ر اقبك-نىڭ 334-بابى 1 -بولىگى - 20 فاكتى، ق ر اقبك-نىڭ 601-بابى 1-بولىگى - 6 فاكتى، ق ر اقبك-نىڭ 620-بابى 1-بولىگى - 15 فاكتى جانە جانە تاعى باسقا دا ەرەجە بۇزۋ انىقتالدى.