ق ر ەڭبەك سىڭىرگەن عىلىم قايراتكەرى، كورنەكتى اكادەميك-گيدروگەولوگ جانە ۇلى وتان سوعىسىنىڭ ارداگەرى جۇرىمبەك سىدىقوۆتىڭ قۇرمەتىنە نازاربايەۆ داڭعىلى، 172 مەكەنجايدا مەموريالدى تاقتانىڭ سالتاناتتى اشىلۋ ءراسىمى ءوتتى، دەپ حابارلايدى Almaty-akshamy.kz.
ءىس-شاراعا وتباسى مۇشەلەرى، الماتى قالاسى مادەنيەت باسقارماسىنىڭ وكىلدەرى، ق ر ۇعا اكادەميكتەرى، ۋ.م. احمەدسافين اتىنداعى گيدروگەولوگيا جانە گەوەكولوگيا ينستيتۋتىنىڭ جەتەكشى عىلىمي قىزمەتكەرلەرى قاتىستى.
جۇرىمبەك سىدىقوۆ - اكادەميك، قازاق كسر ەڭبەك سىڭىرگەن عىلىم قايراتكەرى، قازاقستان رەسپۋبليكاسى ۇلتتىق عىلىم اكادەمياسىنىڭ ۇلكەن التىن مەدالىنىڭ، ق.ساتبايەۆ اتىنداعى سىيلىقتىڭ، ءبىرىنشى دارەجەلى وتان سوعىسى وردەنىنىڭ يەگەرى.
عالىم ورال-مۇعالجار تاۋلارى مەن مۇعالجار جازىعىنىڭ جەر استى سۋلارىن كوپ جىلدىق زەرتتەۋ بويىنشا ىرگەلى مونوگرافيا جازدى. ءتۇرلى مەرزىمدى باسىلىمداردا گيدروگەولوگيا بويىنشا بارلىعى 35 مونوگرافيا، 720 ەڭبەك جاريالاعان.