الماتىدا جۇرگىزۋشى كۋالىگىنە ەمتيحان تاپسىرۋ قاتاڭداتىلدى

الماتىدا كولىك جۇرگىزۋ كۋالىگىنە تەوريالىق ەمتيحان تاپسىرۋ تالابى قاتاڭداتىلدى.

بۇدان بىلاي ۇمىتكەر ەكى فاكتورلى اۋتەنتيفيكاسيادان وتەدى، دەپ حابارلايدى aqshamnews.kz 24.kz-كە سىلتەمە جاساپ. 

 ءار ادام ءوزىنىڭ جەكە باسىن سمس حابارلاما ارقىلى جانە بيومەتريالىق جۇيەمەن راستايدى. سودان كەيىن عانا ەمتيحان تاپسىرادى. مۇنداي جاڭاشىلدىق سالاداعى الاياقتىقتى جويىپ، بوتەن ادامنىڭ ارالاسۋىنا جول بەرمەيدى. الماتىداعى مامانداندىرىلعان حالىققا قىزمەت كورسەتۋ ورتالىعىنىڭ باسشىسى اسەت تۇرعىمبايەۆتىڭ ايتۋىنشا، ءقازىر ەمتيحان تاپسىراتىنداردىڭ 60 پايىزى تەستتەن سۇرىنبەي وتەدى. ەكى فاكتورلى راستاۋ جۇيەسى جول اپاتىن ازايتۋعا دا سەپتىگىن تيگىزۋى ءتيىس.

اسەت تۇرعىمبايەۆ، قالالىق مامانداندىرىلعان حقكو باسشىسى:

- سول حابارلامادا ءوزىڭىز ەكەنىڭىزدى دالەلدەۋ ءۇشىن راستاۋ كودىن باساسىز. 212، 214 دەگەن بويىنشا، ەگەر ءسىز ءوزىڭىزدى راستايتىن بولساڭىز 512ء-نى باساسىز. سودان كەيىن بىزدە تەوريا سىنىبىنا كىرگەن كەزدە قاي كومپيۋتەرگە وتىراتىنىڭىز سول جەردە بەلگىلى بولادى. وعان دەيىن ءسىزدىڭ قاي كومپيۋتەرگە وتىراتىنىڭىز بەلگىسىز.