2024 جىلعى 8 ماۋسىم مەن 15 قىركۇيەك ارالىعىندا الماتى قالاسىنىڭ مەدەۋ اۋدانىندا جۇرگەنوۆ كوشەسى بويىنشا جەتىسۋ كوشەسى ارقىلى تيان-شان كوشەسىنە دەيىن جانگەلدين كوشەسىنەن اۆتوكولىك قوزعالىسى جابىلادى، دەپ حابارلايدى almaty-akshamy.kz «الماتى جىلۋ جەلىلەرى» جشس-نە سىلتەمە جاساپ.
قوزعالىس ەكى باعىتقا دا جابىلادى.
1988 جىلدان باستاپ پايدالانۋعا بەرىلگەن، اتالعان كوشە سەگمەنتىنىڭ ءجۇرىس بولىگىنىڭ استىنان وتەتىن ۇزىندىعى 695 مەتر قۇبىردى رەكونسترۋكسيالاۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن ۋاقىتشا شەكتەۋلەر ەنگىزىلەدى. بۇل قۇبىر 18 كوپپاتەرلى تۇرعىن ءۇيدى، 61 جەكە ءۇيدى، 1 بالاباقشانى، 1 مەكتەپتى جانە 13 وزگە دە وبەكتىلەردى جىلۋمەن جانە ىستىق سۋمەن قامتاماسىز ەتەدى. جوعارىدا كورسەتىلگەن تۇتىنۋشلار رەكونسترۋكسيا كەزىندە ىستىق سۋمەن جابدىقتالادى.
ۋاقىتشا قولايسىزدىقتارعا تۇسىنىستىكپەن قاراۋدى جانە كورسەتىلگەن ۋچاسكەنى اينالىپ ءوتۋ جولدارىن الدىن الا قاراستىرۋدى سۇرايمىز.