قازاقستاندىق جانە شەتەلدىك جەتەكشى ساراپشىلار الماتى تورىندە وتكەن حالىقارالىق كونفەرەنسيادا ۇدەمەلى جۇرەك قىزمەتىنىڭ جەتكىلىكسىزدىگىن ەمدەۋ ماسەلەلەرىن تالقىلادى.
ەلىمىزدىڭ، اقش، تۇركيانىڭ جانە شۆەيساريانىڭ كارديولوگيا، ينتەرۆەنسيالىق كارديولوگيا جانە كارديوحيرۋرگيا سالاسىنداعى بىلىكتى ماماندار باس قوسقان القالى جيىندى كارديولوگيا جانە ىشكى اۋرۋلار عزي، «University Medical Center» كورپوراتيۆتىك قورى جانە قازاقستان جۇرەك قىزمەتىنىڭ جەتكىلىكسىزدىگى قوعامى ۇيىمداستىردى.
س.اسفەندياروۆ اتىنداعى قازۇمۋ رەكتورى مارات شورانوۆ، كارديولوگيا جانە ىشكى اۋرۋلار عزي باسقارما ءتوراعاسى مارات پاشيموۆ قۇتتىقتاۋ ءسوز سويلەدى.
مارات شورانوۆ ءوز سوزىندە «سوزىلمالى جۇرەك قىزمەتىنىڭ جەتكىلىكسىزدىگى پروبلەماسى دەنساۋلىق ساقتاۋ جۇيەسى مەن جالپى قوعام ءۇشىن اسا ماڭىزدى بولىپ وتىر. پاسيەنتتەردىڭ وسى كونتينگەنتىن اۋرۋحاناعا جاتقىزۋدىڭ جيىلىگى، ءولىم-جىتىم سانىنىڭ ارتۋى، ەمدەۋ مەن وڭالتۋعا كەتەتىن قوماقتى شىعىندار دەنساۋلىق ساقتاۋ جۇيەسىنە ايتارلىقتاي اۋىرتپالىق اكەلەدى»، – دەپ اتاپ ءوتتى.
«ۇدەمەلى جۇرەك قىزمەتى جەتكىلىكسىزدىگىن ەمدەۋدە ايتارلىقتاي جەتىستىكتەرگە قول جەتكىزىلدى. جاڭا دارى-دارمەكتەر، يننوۆاسيالىق تەحنولوگيالار، يمپلانتاسيا قۇرىلعىلارى پايدا بولدى، جۇرەك ترانسپلانتاسياسى دامۋ ۇستىندە. الايدا، ءبىزدىڭ الدىمىزعا ەرتە ساتىسىندا دياگنوستيكا جاساۋ، پاسيەنتتەردىڭ ەمدەلۋگە بەيىمدىلىگىن ارتتىرۋ، جۇرەك قىزمەتى جەتكىلىكسىزدىگىنىڭ بولجامىن جاقسارتۋ ءۇشىن جاڭا جوعارى تەحنولوگيالىق قۇرىلعىلاردى ەنگىزۋ سياقتى ماڭىزدى ماسەلەلەر تۇر»، – دەدى مارات ەدىگە ۇلى.
كىاعزي ءبىرىنشى باسشىسى مارات پاشيموۆتىڭ ايتۋىنشا، سوزىلمالى جۇرەك قىزمەتىنىڭ جەتكىلىكسىزدىگى – جۇرەك-قان تامىرلارى اۋرۋلارىنىڭ ءجيى كەزدەسەتىن اسقىنۋلارىنىڭ ءبىرى، سونىمەن قاتار ءومىر ساپاسىنىڭ تومەندەۋىنىڭ جانە ءولىم-جىتىم سانىنىڭ ارتۋىنىڭ باستى سەبەپتەرىنىڭ ءبىرى. سوندىقتان بۇگىنگى وتكىزىلىپ وتىرعان كونفەرەنسيا اسا وزەكتى بولىپ تابىلادى. قازاقستاندىق جانە شەتەلدىك كارديولوگيا جانە كارديوحيرۋرگيا ماماندارىنىڭ سجج بار پاسيەنتتەردى دياگنوستيكالاۋ مەن ەمدەۋدەگى ءوزارا ءىس-قيمىلى مەن تاجىريبە الماسۋى ءبىزدىڭ پاسيەنتتەرىمىزدىڭ ءومىرىن ۇزارتۋعا جانە ءومىر ساپاسىن جاقسارتۋعا، ناۋقاستارعا كومەك كورسەتۋ جۇيەسىن نەعۇرلىم جوعارى دەڭگەيگە كوتەرۋگە مۇمكىندىك بەرەدى.
كونفەرەنسيا اياسىندا سەكسيالىق وتىرىستار ءوتتى. وندا قاتىسۋشىلار LVAD يمپلانتاسياسىنا پاسيەنتتەردى قالاي ىرىكتەلەتىندىگىن ايتىپ، استانا، الماتى، شىمكەنت جانە تاراز قالالارىندا يمپلانتاسيا جاساۋ تاجىريبەسىمەن ءبولىستى (LVAD تەك وسى قالالاردا جاسالادى)، وپەراسيادان كەيىنگى كەزەڭنىڭ نەگىزگى ەرەكشەلىكتەرىن، امبۋلاتوريالىق جاعدايدا پاسيەنتتەردى باقىلاۋ ماسەلەلەرىن، سونداي-اق LVAD يمپلانتاسياسىنان كەيىن پاسيەنتتەرگە كۇتىم جاساۋداعى مەيىرگەرلەردىڭ ءرولى جانە ت.ب. ماسەلەلەردى تالقىلادى. كونفەرەنسيا جۇمىسىنا قاتىسقان قاتىسۋشىلارعا سەرتيفيكاتتار بەرىلدى.
ەرتەڭىنە كارديولوگيا جانە ىشكى اۋرۋلار عزي-دا پاسيەنتتەرگە كەڭەس بەرۋ، LVAD مەحانيكالىق قۇرىلعىسىن جانە مitraclip يمپلانتاسيالاۋ وپەراسيالارى بويىنشا شەبەرلىك كلاستار ءوتتى.
Mitraclip – بۇل وپەراسيا الماتىدا العاش رەت پروفەسسور Maurizio Taramasso (سيۋريح، شۆەيساريا) باسشىلىعىمەن جۇرگىزىلدى. بۇل – Mitraسlip جۇيەسىنىڭ كومەگىمەن ميترالدى قاقپاقشانىڭ ەندوۆاسكۋليارلىق كليپتەۋ. MitraClip – اشىق حيرۋرگيالىق وپەراسيا جاساۋعا بولمايتىن پاسيەنتتەرگە جۇرەك جۇمىسىن جاقسارتۋدىڭ جالعىز مۇمكىندىگى. بۇل از ءينۆازيۆتى پروسەدۋرانى قولدانۋ پاسيەنتتىڭ قالپىنا كەلۋ كەزەڭىن قىسقارتۋعا مۇمكىندىك بەرەدى، ناۋقاستىڭ جاعدايىنىڭ جاقسارۋى انەستەزيادان شىققاننان كەيىن بىردەن سەزىلەدى. ناۋقاستار تەز جازىلادى. ولاردىڭ ءومىر ءسۇرۋ ساپاسى ەداۋىر جاقسارادى، ەنتىگۋى ازايادى، جاتتىعۋلارعا توزىمدىلىگى ارتادى، مەديسينالىق كومەككە جۇگىنۋ جيىلىگى تومەندەيدى. ايتا كەتۋ كەرەك، 2020 جىلى MitraClip قۇرىلعىسى ەڭ جاقسى مەديسينالىق تەحنولوگيا رەتىندە رrix Galien USA (نوبەل سىيلىعىنىڭ بالاماسى) سىيلىعىمەن ماراپاتتالدى.
LVAD يمپلانتاسيالاۋ وپەراسياسى انكارا (تۇركيا) پروفەسسورى Umit Kervan قاتىسۋىمەن سجج دياگنوزىمەن جۇرەك قىزمەتى تومەندەگەن 51 جاستاعى پاسيەنتكە جاسالدى.