جولداۋىنىڭ نەگىزگى تەزيستەرى ءتۇسىندىرىلدى.
الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى دانيار الكەباي ۇلى وڭىرلىك كوممۋنيكاسيالار قىزمەتىنىڭ بريفينگىنە قاتىسىپ، مەملەكەت باسشىسىنىڭ الەۋمەتتىك تولەمدەردى ارتتىرۋعا قاتىستى جولداۋىنىڭ نەگىزگى تەزيستەرىن ءتۇسىندىردى، دەپ حابارلايدى Almaty-akshamy.kz.
دانيار الكەباي ۇلىنىڭ ايتۋىنشا، تەحنولوگيالاردىڭ قارقىندى دامۋى اياسىندا ەڭبەك نارىعىندا جۇمىسپەن قامتۋدىڭ جاڭا يكەمدى تۇرلەرى پايدا بولدى، ولار پاندەميا كەزىندە ەرەكشە وزەكتى بولىپ، كوپتەگەن ازاماتتاردىڭ ەڭبەك قىزمەتىن وزگەرتتى.
«بۇل رەتتە، «تاۋەلسىز قىزمەتكەرلەر» دەپ اتالاتىن بۇل سانات ولاردىڭ ەڭبەككە قابىلەتتىلىگىنەن ايىرىلۋىنا بايلانىستى جۇمىسىنان نەمەسە تابىسىنان ايىرىلعان جاعدايدا دا الەۋمەتتىك قورعالماعان كۇيىندە قالىپ وتىر، ول مەديسينالىق ساقتاندىرۋ جۇيەسىن قوسا العاندا، ەشقانداي الەۋمەتتىك كەپىلدىكتەرمەن قامتىلماعان. وسىعان بايلانىستى، مۇنداي قىزمەتكەرلەردىڭ جۇمىسپەن قامتىلۋ نىسانى مەن سيپاتىنا قاراماستان، بىرلەسكەن جۇمىس (ءبىر جۇمىس ورنىندا جۇمىس ىستەيتىن ەكى ادام)، قاتار جۇمىسپەن قامتۋ (ەكى جۇمىس ورنىندا ءبىر قىزمەتكەر)، جىلجىمالى كەستە جانە ت. ب. ەڭبەك قۇقىقتارىن قورعاۋدىڭ جاڭا تەتىكتەرىن ەنگىزۋ قاجەتتىلىگى تۋىندادى»، - دەپ ءتۇسىندىردى وكق سپيكەرى.
بۇل «تاۋەلسىز قىزمەتكەرلەردىڭ» ءبىرىڭعاي جيناقتاۋشى زەينەتاقى قورىنان زەينەتاقى تولەمدەرىن، مەملەكەتتىك الەۋمەتتىك ساقتاندىرۋ قورىنان الەۋمەتتىك تولەمدەردى الۋعا جانە مىندەتتى الەۋمەتتىك مەديسينالىق ساقتاندىرۋ جۇيەسىندەگى مەديسينالىق كومەككە قۇقىعىن قامتاماسىز ەتەدى.
«بۇل رەتتە مەملەكەت باسشىسى جولداۋدا اتاپ وتكەندەي، مەملەكەتتىك الەۋمەتتىك ساقتاندىرۋ قورىنان جارنا تولەگەن ازامماتار ءۇشىن جۇمىسىنان ايرىلعان كەزدە الەۋمەتتىك تولەمدەر مولشەرى ورتاشا ايلىق تابىستىڭ 45%-ىنا دەيىن جانە بالا كۇتىمى بويىنشا تولەم مەرزىمدەرى 1 جاستان 1،5 جاسقا دەيىن ۇلعايتىلادى»، - دەپ قوستى دانيار الكەباي ۇلى.
سونىمەن قاتار، ۆەدومستۆو وكىلى ەلىمىزدە ەڭ تومەنگى جالاقى مولشەرى ارتتىرىلاتىنىن حابارلادى. قازاقستان رەسپۋبليكاسىندا ەڭ تومەنگى جالاقى ەڭ تومەنگى الەۋمەتتىك ستاندارت بولىپ تابىلاتىنىن ايتا كەتۋ كەرەك.
سونىمەن قاتار، جۇمىسشىلاردىڭ جالاقىسىنىڭ تومەنگى شەگى رەتىندە ەڭ تومەنگى جالاقى مولشەرى بارلىق جۇمىس بەرۋشىلەر ءۇشىن مىندەتتى بولىپ تابىلادى. جانە ءتيىستى قارجى جىلىنا جىل سايىن رەسپۋبليكالىق بيۋدجەت تۋرالى ق ر زاڭىمەن بەلگىلەنەدى جانە ەڭ تومەنگى كۇنكورىس دەڭگەيىنەن تومەن بولماۋى ءتيىس.
«مەملەكەت باسشىسى قازاقستان حالقىنا جولداۋىندا ەڭ تومەنگى جالاقى 70 مىڭ تەڭگەگە دەيىن ۇلعايتىلاتىنىن ايتىپ ءوتتى. ەڭ تومەنگى جالاقى وسكەن جاعدايدا بۇل دەڭگەيدە جالاقى الاتىن 1،8 ملن ادامدى تىكەلەي قامتۋعا مۇمكىندىك بەرەدى. بۇل سونداي-اق قىزمەتكەرلەردىڭ رازريادتارى مەن بىلىكتىلىگىنىڭ ەڭبەكاقى تولەۋدىڭ وسۋىنە ىقپالىن ەسكەرە وتىرىپ، جالاقى الاتىن ازاماتتاردىڭ تابىسىن ەڭ تومەنگى جالاقىدان جوعارى دەڭگەيدە ارتتىرۋعا مۇمكىندىك بەرەدى»، - دەپ ءتۇسىندىردى سپيكەر.
مەملەكەت باسشىسى سونداي-اق ۇكىمەتكە ديناميكالىق تاسىلگە نەگىزدەلگەن جانە نەگىزگى ەكونوميكالىق كورسەتكىشتەردى ەسكەرەتىن ەڭ تومەنگى جالاقىنى انىقتاۋ ادىستەمەسىن ەنگىزۋدى تاپسىردى.
بۇل تاپسىرما ۋاقىتىلى جانە وزەكتى بولىپ تابىلادى، ويتكەنى ينفلياسيا ءبىر ورىندا تۇرمايدى، ازىق-تۇلىك، تاۋارلار باعاسى قىمباتتايدى.
وسىعان بايلانىستى الەۋمەتتىك-ەكونوميكالىق كورسەتكىشتەردى ەسكەرەتىن ادىستەمە نەگىزىندە ەتج مولشەرىنىڭ مولشەرلەس ءوسۋىن قامتاماسىز ەتۋ قاجەت.