بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى قاسىمحان الپىسباي ۇلى ءمالىم ەتتى.
سونمەن بىرگە ول ءبىرقاتار جۇقپالى جانە پارازيتتىك اۋرۋلار بويىنشا ەپيدەميولوگيالىق جاعداي تۋرالى باياندادى. ەپيدەميولوگيالىق جاعداي مەگاپوليستە تۇراقتى، دەپ حابارلايدى Almaty-akshamy.kz.
باسقارما باسشىسىنىڭ ايتۋىنشا، الماتىدا 50-دەن استام ءقاۋىپتى اۋرۋلار، ونىڭ ىشىندە تىرىسقاق، وبا، ءسىبىر جاراسى، گەمورراگيالىق قىزبا، ديفتەريا، قىزىلشا، قىزامىق، سىرەسپە ت.ب. تىركەلمەگەن. بۇل جاعداي ەپيدەميولوگتاردىڭ باقىلاۋىندا، ءبىر قۋانتاتىنى، بۇل ينفەكسيالار مەگاپوليستە تارالماعان.
نوزولوگيالىق سىرقاتتانۋدىڭ 5 ءتۇرى، سونىڭ ىشىندە ەتيولوگياسى انىقتالعان ءجىتى ىشەك ينفەكسياسى، روتاۆيرۋستى ينفەكسيا، انىقتالعان كورونوۆيرۋستىق ينفەكسيا، انىقتالماعان كورونوۆيرۋستىق ينفەكسيا، جرۆي بويىنشا سىرقاتتانۋ دەڭگەيىنىڭ تومەندەۋى بايقالادى.
سپيكەردىڭ ايتۋىنشا، قالادا مەنينگوكوككتى ينفەكسيا، توكسوكاروزليامبليوز، سىرتتان اكەلىنگەن بەزگەك جاعدايلارى (وڭتۇستىك افريكادان)، جانە تۇماۋدىڭ ءۇش جاعدايى تىركەلگەن.
باس سانيتار دارىگەر تاماقتان ۋلانۋ، بوتۋليزم، ليستەريوز، سەروزدى مەنينگيت، ا ۆيرۋستى گەپاتيتى، ءجىتى ۆ ۆيرۋستى گەپاتيتى، كەنە ەنسەفاليتى، انىقتالعان كوروناۆيرۋس ينفەكسياسى بويىنشا جاعداي تۋرالى باياندادى. بۇل جاعدايعا قاتىستى سىرقاتتانۋدىڭ وسكەنى تىركەلگەن.
«دەنساۋلىق ساقتاۋ ۇيىمدارىمەن بىرلەسىپ، بارلىق ينفەكسيا جانە پارازيتتىك اۋرۋلار وشاقتارىندا ەپيدەمياعا قارسى شارالار ۋاقىتىلى جۇرگىزىلدى»، - دەپ اتاپ ءوتتى قاسىمحان الپىسباي ۇلى.
مەگاپوليستەگى ەپيدەميولوگيالىق جاعدايعا توقتالعان سەبد باسشىسى قالادا ءجىتى رەسپيراتورلىق ۆيرۋستىق ينفەكسيالاردىڭ ماۋسىمدىق ءوسۋى بايقالعانىن اتاپ ءوتتى. ماسەلەن، وتكەن اپتادا ءجرۆي-دىڭ 28 586 جاعدايى تىركەلدى. ونىڭ ىشىندە 69،1%-ىندا بالالاردى (18649 جاعداي) قامتىعان. زەرتحانالىق مونيتورينگكە سايكەس، قالادا رينوۆيرۋستار، رس ۆيرۋسى، پاراگريپپ ۆيرۋسى جانە ماۋسىمدىق كوروناۆيرۋس سياقتى جەدەل رەسپيراتورلىق ۆيرۋستىق ينفەكسيالار تارالعان.
ول وتكەن 2021-2022 ج. ەپيدەميولوگيالىق ماۋسىمدا قالادا ا/H3N2 ءتيپتى تۇماۋ ۆيرۋسى (51 جاعداي)، رينوۆيرۋستار، رس ۆيرۋسى، ماۋسىمدىق كوروناۆيرۋس سياقتى باسقا دا ءجىتى رەسپيراتورلىق ۆيرۋستىق ينفەكسيالار دا قاتار ءجۇردى (تۇماۋدىڭ العاشقى جاعدايلارى 2021 جىلدىڭ قاراشا ايىنىڭ باسىندا 44 اپتادا تىركەلگەن).
«جالپى، ددۇ-نىڭ ەپيدەميولوگيالىق جانە زەرتحانالىق دەرەكتەرىن ەسكەرە وتىرىپ، الداعى 2021/2022 جىلعى ەپيدەميالىق ماۋسىمدا اينالىمدا تۇماۋ ۆيرۋسىنىڭ ا (H1N1)، A (H3N2) جانە ۆ ءتيپتى شتامدارى وزەكتى بولادى. سوندىقتان تۇماۋدىڭ الدىن الۋدىڭ ەڭ ءتيىمدى ءادىسى - دەر كەزىندە وعان قارسى ۆاكسينا الۋ. تۇماۋ ۆيرۋسى جىل سايىن مۋتاسياعا ۇشىرايدى، سوندىقتان تۇماۋعا قارسى ۆاكسينانى جىل سايىن ەپيدەمياعا دەيىنگى ماۋسىمدا قازان-قاراشا ايلارىندا تەك اعىمداعى شىعارىلعان جىلعى ۆاكسينامەن عانا الۋ كەرەك»، - دەپ كەڭەس بەردى الماتى قالاسىنىڭ باس سانيتار دارىگەرى.
ۆاكسينا العاننان كەيىن يممۋنيتەت 14 كۇننەن كەيىن قالىپتاسىپ، تەك قانا ماۋسىم بويى ساقتالادى (1 جىلعا دەيىن). ءقاۋىپسىز جانە ءتيىمدى ۆاكسينالار قولجەتىمدى جانە 60 جىلدان استام ۋاقىت بويى قولدانىلىپ كەلەدى
اعىمداعى جىلدا قاتەرلى توپتاعى ادامدارعا جەرگىلىكتى بيۋدجەتتەن رەسەيدە وندىرىلگەن تۇماۋعا قارسى ۇشۆالەننتىاعىمداعى جىلدىڭ شتامى بار «گريپپول پليۋس» ۆاكسيناسىنىڭ 130 000 دوزاسى ساتىپ الىندى. سونىمەن قاتار قوسىمشا 80000 دوزا ۆاكسينا ساتىپ الىنادى. وسىلايشا، اعىمداعى ەپيدەمياعا دەيىنگى ماۋسىمدا ساتىپ الىنعان ۆاكسينانىڭ جالپى كولەمى 210 000 دوزانى قۇرايدى.
بۇگىنگى تاڭدا تۇماۋعا قارسى ۆاكسينانى 125 مىڭنان استام الماتىلىق الدى.