ولاردىڭ كولىكتەرى ايىپ تۇراعىنا قويىلدى.
«قورعاۋ – ءقاۋىپتى جۇرگىزۋشى» جۇيەسى 9 ملن تەڭگەگە جۋىق قارجىعا جول قوزعالىسى ەرەجەسىن بۇزعان 8 جۇرگىزۋشىنى انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى پوليسياسىنىڭ الدىڭعى شەپتەگى بولىمشەلەرى جول قاۋىپسىزدىگىن قامتاماسىز ەتۋ ماقساتىندا الدىن الۋ ءىس-شارالارىن جۇرگىزۋدە. كولىك قۇرالدارىنا جالعان مەملەكەتتىك تىركەۋ نومىرلىك بەلگىلەرىن ورناتقان، سونداي-اق جول قوزعالىسى ەرەجەلەرىن جۇيەلى تۇردە بۇزىپ، ايىپپۇل تولەۋدەن جالتارىپ جۇرگەن كولىكتەردى انىقتاۋعا ەرەكشە نازار اۋدارىلۋدا.
جالعان نومىرلىك بەلگى تاققان جانە كولىك قۇرالىن باسقارۋ قۇقىعىنان ايىرىلعان، سونداي-اق جول قوزعالىسى ەرەجەلەرىن جۇيەلى تۇردە بۇزىپ، ءىرى كولەمدە قارىزى بار كولىكتەردىڭ تىزىمدەرى جاساقتالدى.
سونىمەن قاتار، پوليسەيلەر قۇقىق بۇزۋشىلىقتى انىقتاۋدىڭ ەلەكتروندىق جۇيەسى «سەرگەك» پەن «قورعاۋ – ءقاۋىپتى جۇرگىزۋشى» قوسىمشاسى ارقىلى جول قوزعالىسى جاعدايىن باقىلاۋدا.
تەك وسى ايدىڭ باسىنان بەرى جول قاۋىپسىزدىگى سالاسىندا 4 342 قۇقىق بۇزۋشىلىق انىقتالدى جانە كولىكتى ماس كۇيىندە باسقارعان 44 جۇرگىزۋشى ۇستالدى. اۆتوماتتاندىرىلعان اقپاراتتىق باقىلاۋ جۇيەسىنىڭ كومەگىمەن 716 اۆتوكولىك انىقتالدى جانە ۇستالدى، ونىڭ 46-سى جالعان تىركەۋ نومىرىمەن، 220-سى ساقتاندىرۋ ءپوليسىنسىز، 397ء-سى تەحنيكالىق باقىلاۋدان وتپەگەن، 47ء-سى مەملەكەتتىك ءنومىرسىز.
سونىمەن قاتار، بۇرىن سوت شەشىمىمەن كولىك قۇرالدارىن باسقارۋ قۇقىعىنان ايىرىلعان 7 جۇرگىزۋشى ۇستالدى. ءتارتىپ بۇزۋشىلار اكىمشىلىك جاۋاپكەرشىلىككە تارتىلىپ، 62 اۆتوكولىك مامانداندىرىلعان تۇراققا ورنالاستىرىلدى.
سونداي-اق، جول ەرەجەسىن جۇيەلى تۇردە بۇزىپ، ايىپپۇل تولەۋدەن جالتارىپ جۇرگەن جۇرگىزۋشىلەردى انىقتاۋ جۇمىستارى دا جۇرگىزىلۋدە. اي باسىنان بەرى 9 ملن تەڭگەگە جۋىق ايىپپۇلمەن جقە بۇزعان 8 جۇرگىزۋشى ۇستالدى.