ول تانىمال سايتقا پاتەردى جالعا بەرۋ تۋرالى حابارلاندىرۋ جاريالاعان.
پوليسياعا 25 ارىز تۇسكەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
شارشى مەترلەردى نارىق باعاسىنان تومەن باعاعا “جالداۋعا” ىنتالىلار جەتكىلىكتى بولدى.
«قازىرگى ۋاقىتتا پوليسياعا جابىرلەنۋشىلەردەن 25 ارىز كەلىپ ءتۇستى. وزدەرىنە ۇناعان پاتەردى الۋ ءۇشىن ەكىنشى دەڭگەيلى بانك كارتالارى ارقىلى الدىن الا اقشا اۋدارعان. اقشانى العاننان كەيىن “كاسىپكەر” ادام بايلانىسقا شىعۋىن توقتاتتى. ول جەدەل-ىزدەستىرۋ ءىس-شارالارى بارىسىندا ۇستالىپ، قاماۋعا الىندى. جوعارىدا اتالعان قىلمىستىق ەپيزودتاردىڭ بارلىعى ءبىر وندىرىسكە بىرىكتىرىلىپ، الاياقتىق دەرەگى بويىنشا اۋەزوۆ اۋداندىق پب-دا قىلمىستىق ءىس تەرگەلىپ جاتىر»، – دەدى الماتى قالالىق پد كريمينالدىق پوليسيا باسقارماسىنىڭ باستىعى ماقسات قاناپيايەۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.