الماتى قالاسىنىڭ بوستاندىق اۋدانىندا پوليسەيلەر تانىمال جارناما سايتتارىندا جالعان پاتەرلەردى جالعا ۇسىنىپ، ازاماتتاردى الداپ كەلگەن كۇدىكتىنى ۇستادى.
تەرگەۋ مالىمەتىنشە، ول شىن مانىندە جوق پاتەرلەردى جالعا بەرەمىن دەپ، تۇرعىنداردان تولىق تولەم نەمەسە الدىن الا اقى العان. الايدا ونىڭ اتىندا ەشقانداي جىلجىمايتىن مۇلىك بولماعان، - دەپ حابارلايدى Aqshamnews.kz.
- ينتەرنەت ارقىلى پاتەر جالداۋ كەزىندە جاسالاتىن كيبەرالاياقتىق – كەڭ تارالعان قۇبىلىس. ولار ازاماتتاردىڭ تانىمال پلاتفورمالارعا دەگەن سەنىمىن جانە تەز شەشىم قابىلداۋعا ءماجبۇر جاعدايىن پايدالانادى. نەگىزگى تاسىلدەرىنە - ناقتى حابارلاندىرۋلاردى كوشىرىپ، الدىن الا تولەم سۇراۋ. سوندىقتان ازاماتتارعا ساقتىق تانىتىپ، پاتەردى كورمەي جانە كەلىسىمشارتقا قول قويماي تۇرىپ اقشا اۋدارماۋدى، جالعا بەرۋشىنىڭ قۇجاتتارىن مۇقيات تەكسەرۋدى، تىم ارزان باعاعا نەمەسە جاڭا كۇماندى اككاۋنتتارعا سەنبەۋدى ۇسىنامىز، - دەدى بوستاندىق اۋداندىق پوليسيا باسقارماسى باستىعىنىڭ ورىنباسارى دەنيس لوسكۋتوۆ.
قازىرگى ۋاقىتتا اتالعان فاكت بويىنشا بارلىق قاجەتتى تەرگەۋ ارەكەتى جۇرگىزىلۋدە.