بۇگىندە الماتى قالاسى ۇزىندىعى 3097 كم جول بار. 2023 جىلى ۇزىندىعى 200 كم 175 كوشەدەگى جول جابىنىنا ورتاشا جوندەۋ جۇرگىزىلدى، دەپ حابارلايدى almaty-akshamy.kz
2024 جىلى ۇزىندىعى 250 كم 274 كوشەدە جول جابىنىنا ورتاشا جوندەۋ جۇرگىزۋ جوسپارلانعان. كوشەلەردىڭ تولىق ءتىزىمى مەن جولدى ورتاشا جوندەۋ جۇمىستارىنىڭ جوسپارى تەحنيكالىق قۇجاتتاماعا ساراپتاما قورىتىندىسىن العاننان كەيىن ءساۋىر ايىندا جاريالانادى.
ورتاشا جوندەۋ كەزىندە جول توسەمدەرىنىڭ توزۋ قاباتى مەن تەگىستىگىن مەرزىمدى قالپىنا كەلتىرۋ، سونداي-اق جەر توسەمىنىڭ، سۋ بۇرۋدىڭ، جاساندى، قورعانىش، نىعايتۋ، رەتتەۋ جانە باسقا دا جول قۇرىلىستارىنىڭ زاقىمدانۋىن تۇزەتۋ، جول توسەمىن قيىلىستا جانە وعان جاقىن جەردە كەڭەيتىلەدى نەمەسە تارىلتادى، اۆتوتۇراقتار، ايالداما قالتالارى مەن الاڭدار، تروتۋارلار مەن ۆەلوسيپەد جولى جاسالادى. ورتاشا جوندەۋ جۇمىستاردىڭ كولەمى قالا جولدارىنىڭ كجج كولىكتىك-پايدالانۋ جاي-كۇيىن دياگنوستيكالاۋ ناتيجەسى مەن اقاۋلار ۆەدوموستارى نەگىزىندە جاسالاتىن سمەتالىق ەسەپتەۋمەن ايقىندالادى.
سونىمەن قاتار، اۋا رايى قولايلى بولسا، اۋدان اكىمدىكتەرى جولعا اعىمداعى شۇڭقىرلى جوندەۋدى باستايدى. جول ماتەريالىمەن قامتاماسىز ەتۋ ماقساتىندا اسفالتبەتون زاۋىتىنىڭ جۇمىسى مەرزىمىنەن بۇرىن ىسكە قوسىلدى.
- المالى اۋدانىندا اعىمداعى جوندەۋمەن بۇكىل اۋدان بويىنشا 39،8 مىڭ شارشى مەتر جول توسەمىن قامتۋ جوسپارلانعان. ءساۋىر ايىندا 8 مىڭ م2 جوندەۋدى باستاۋ جوسپارلانعان. اتاپ ايتقاندا، اعىمداعى جوندەۋ جوسپارىنا نازاربايەۆ داڭعىلىنىڭ بويى اباي مەن رايىمبەك داڭعىلى ارالىعىندا ۋچاسكەلەر؛ تولە بي كوشەسىنىڭ بويى نازاربايەۆ داڭعىلىنان بايتۇرسىنوۆ كوشەسىنە دەيىن؛ ابىلاي حان كوشەسىنىڭ بويى تولە بي كوشەسىنەن جانە رايىمبەك داڭعىلىنا دەيىن ت.ب. اۋماقتار كىرەدى.
- مەدەۋ اۋدانىندا 2024 جىلى اعىمداعى جوندەۋ اياسىندا 50 مىڭ ءۇيدى جوندەۋ جوسپارلانۋدا. جۇمىس 2024 جىلدىڭ II توقسانىندا باستالادى دەپ جوسپارلانعان. اعىمداعى جوندەۋمەن گوگول، ماقاتايەۆ، قايىربەكوۆ كوشەسى، دوستىق داڭعىلى، قونايەۆ كوشەسى، قالداياقوۆ كوشەسى، لۋگانسكيي، مامەتوۆا كوشەسى، نازاربايەۆ داڭعىلى جانە ت.ب ۋچاسكەلەر قامتىلادى.
- بوستاندىق اۋدانىندا 2024 جىلى اعىمداعى (شۇڭقىرلى) جوندەۋمەن جولدار مەن تروتۋارلاردىڭ 30 مىڭ شارشى مەتردەن استام اسفالت جابىنىن قالپىنا كەلتىرۋ جوسپارلانعان. بيىل ءساۋىر-مامىر ايلارىندا ق.سالىقوۆ كوشەسى، ارايلى كوشەسى، ج. ۇشكەمپىروۆ كوشەسى، جاندوسوۆ كوشەسى، بۇقار جىراۋ بۋلۆارى، تالدى كوشەسى، سەنترالنايا كوشەسى جانە ت.ب. اۋماقتاعى جولدى جوندەۋ باستالماق. اعىمداعى جوندەۋمەن اۋداننىڭ 100-گە جۋىق كوشەسى قامتىلادى.
- تۇركسىب اۋدانىندا بۇكىل اۋدان بويىنشا 30 مىڭ شارشى مەتر جۇمىس كولەمىمەن جول جابىنىنا اعىمداعى (شۇڭقىرلى) جوندەۋ جۇمىستارى باستالدى. شۇڭقىرلاردى جوندەۋ مىنا اۋماقتاردا جۇرگىزىلەدى: لاۆرەنيەۆ كوشەسى، قالا شەكاراسىنان ۆاز-عا دەيىن؛ ءسۇيىنباي داڭعىلى، بەكماحانوۆ كوشەسىنەن جاڭا كوپىرگە دەيىن؛ دانالىق كوشەسى، شەمياكين كوشەسىنەن ۆولوچايەۆ كوشەسىنە دەيىن؛ ششەلكوۆو كوشەسى، ءسۇيىنباي داڭعىلىنان گەتە كوشەسىنە دەيىن؛ بەكماحانوۆ كوشەسى، ءسۇيىنباي داڭعىلىنان بارتولد جانە شەمياكين كوشەسىنە دەيىن، حمەلنيسكيي كوشەسىنەن رىسقۇلوۆ داڭعىلىنا دەيىن.
- جەتىسۋ اۋدانىندا جولداردى شۇڭقىرلى جوندەۋ ناۋرىز ايىنىڭ ورتاسىندا باستالدى، 35 مىڭ شارشى مەتر جول قامتىلادى. جۇمىس وسى جىلدىڭ قاراشا ايىنا دەيىن جالعاسادى. كۋدەرين كوشەسىندەگى رايىمبەك داڭعىلىنان رىسقۇلوۆ كوشەسىنە دەيىنگى؛ جانسۇگىروۆ كوشەسىندەگى بورالداي كوشەسىنەن جۇمابايەۆ كوشەسىنە دەيىنگى؛ جانگەلدين كوشەسىندەگى رىسقۇلوۆ كوشەسىنەن رايىمبەك داڭعىلىنا دەيىنگى؛ قۇلاگەر، اينابۇلاق، كەمەل شاعىن اۋداندارىنداعى، جۇمىسشى كەنتى؛ رايىمبەك جانە ءسۇيىنباي داڭعىلدارىنىڭ قيىلىسىنداعى ۋچاسكەلەر اعىمداعى جوندەۋدەن وتەدى.
- اۋەزوۆ اۋدانىندا 2024 جىلى اعىمداعى جوندەۋ اياسىندا 50 مىڭ شارشى مەتر جول جابىنىن قالپىنا كەلتىرۋ جوسپارلانۋدا. س.شايمەردەنوۆ كوشەسى-جاندوسوۆ كوشەسى قيىلىسى؛ التىنسارين داڭعىلىنىڭ قيىلىسى-قابدولوۆ كوشەسى؛ قابدولوۆ كوشەسى، 2؛ وتەگەن باتىر-التىنسارين داڭعىلى؛ اباي داڭعىلى-مومىش ۇلى كوشەسىنە جەتپەي؛ تاۋگۇل-1 شاعىن اۋدانى، سۇلەيمەنوۆ كوشەسى؛ جاندوسوۆ كوشەسى باتىس باعىتتا؛ التىنسارين داڭعىلى-جۇبانوۆ كوشەسىنىڭ قيىلىسىنداعى ۋچاسكەلەرگە اعىمداعى جوندەۋ جۇرگىزىلەدى.
- الاتاۋ اۋدانىندا 30 مىڭ شارشى مەتر جول توسەمىن جوندەۋ جوسپارلانىپ وتىر. جۇمىستى وسى جىلدىڭ ءساۋىر ايىندا باستالادى. جانقوجا باتىر كوشەسى، اۋباكىروۆ كوشەسى، تاكەجانوۆ كوشەسى، جالايىر كوشەسى، شوعان ابىز كوشەسى، تىلەندييەۆ كوشەسى، ۇاك بويى، رىسقۇلوۆ داڭعىلى، رايىمبەك داڭعىلى جانە ت.ب. اۋماقتاردا شۇڭقىرلى جوندەۋ جۇمىستارى جۇرگىزىلەدى.
- ناۋرىزباي اۋدانىندا اعىمداعى جوندەۋ اياسىندا جولداردىڭ 45 مىڭ شارشى مەترىن قالپىنا كەلتىرۋ جوسپارلانۋدا. ق.نادىروۆ كوشەسىنىڭ بويى شولپان كوشەسىنەن تاجييەۆ كوشەسىنە دەيىنگى؛ تاجييەۆ كوشەسىنىڭ بويى نادىروۆ كوشەسىنەن تۇيىققا دەيىنگى؛ اۋدان شەگىندەگى جاندوسوۆ پەن قونايەۆ كوشەلەرى جانە ت.ب. ۋچاسكەلەر اعىمداعى جوندەۋدەن وتەدى.
جىل باسىنان بەرى اۋدان اكىمدىكتەرى قالا جولدارىندا پايدا بولعان شۇڭقىرلاردى باقىلاۋ جۇرگىزگەن. سونداي-اق، اۋدان اكىمدىكتەرىنە تۇرعىنداردان پايدا بولعان شۇڭقىرلار بويىنشا شاعىمدار كەلىپ تۇسەدى.
بارلىق ءوتىنىش پەن مونيتورينگ نەگىزىندە اۋدان اكىمدىكتەرى جولداردى اعىمداعى – شۇڭقىرلى جوندەۋ جۇمىستارىن جۇرگىزەدى.