17 جانە 18 ماۋسىم كۇندەرى وتەدى.
«جولداعى قابىلداۋ» الدىن الۋ ءىس-شاراسى بۇگىندە ازاماتتاردىڭ كوپشىلىگىنە تانىس. بۇل وتە وزەكتى، ويتكەنى ول ازاماتتارعا ىڭعايلى ۋاقىتتا جانە ىڭعايلى جەردە جول قوزعالىسى قاۋىپسىزدىگى سالاسىندا كەڭەستىك جانە قۇقىقتىق كومەك الۋعا مۇمكىندىك بەرەدى، دەپ حابارلايدى Almaty-akshamy.kz.
الماتى قالالىق پوليسيا دەپارتامەنتى باسپا ءسوز قىزمەتىنىڭ مالىمەتى بويىنشا، حالىقپەن بايلانىس جول قوزعالىسى قاۋىپسىزدىگىن قامتاماسىز ەتۋ بويىنشا ازاماتتاردى تولعاندىراتىن پروبلەمالىق ماسەلەلەردى تالقىلاۋ تۇرىندە جۇزەگە اسىرىلادى.
«بۇل جولى ناۋقان 2022 جىلدىڭ 17 جانە 18 ماۋسىمىندا وتەدى. سونداي-اق، اكىمشىلىك پوليسيا، كوشى-قون قىزمەتى جانە جەرگىلىكتى پوليسيا قىزمەتى وكىلدەرىنىڭ قاتىسۋىمەن تىكەلەي ەفيرلەر وتكىزىلەتىن بولادى. بۇل كۇندەرى تەلەفون جەلىسى جۇمىس ىستەيدى، ول ارقىلى ازاماتتار قوڭىراۋ شالىپ، وزدەرىن قىزىقتىراتىن سۇراقتارىن قويا الادى نەمەسە ناۋقان بارىسىندا پوليسيا قىزمەتىنە قاتىستى WhatsApp حابارلاماسىن جىبەرە الادى. ونىڭ ءنومىرى 8-747-733-10-20»، - دەدى الماتى قالالىق اكىمشىلىك پوليسيا باسقارماسىنىڭ باستىعى، پوليسيا پولكوۆنيگى نۇرلان امانبەك.
ازاماتتاردى قابىلداۋ پۋنكتتەرى قالانىڭ ءۇش اۋدانىندا ورنالاسقان:
اتاكەنت وكج (الماتى ق.، بوستاندىق اۋدانى، تيميريازيەۆ ك-سى، 42)
№1 مامانداندىرىلعان حقكو اۋماعى (الماتى قالاسى، الاتاۋ اۋدانى، سايالى شاعىن اۋدانى، اق-قاينار كوشەسى، 1)
«جەتىسۋ» بازارى (الماتى ق.، تۇركسىب اۋدانى، رىسقۇلوۆ داڭعىلىنىڭ سولتۇستىگى، قۇلجا كۇرە جولى).