بۇل جولى شارا 9 جانە 10 قىركۇيەكتە وفلاين رەجيمىندە وتەدى.
الماتىدا پوليسيا قىزمەتكەرلەرى «جولداعى قابىلداۋ» ناۋقانىن وتكىزۋدە، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جولداعى قابىلداۋ» پروفيلاكتيكالىق ءىس-شاراسى بۇگىندە ازاماتتاردىڭ كوپشىلىگىنە تانىس.
ءداستۇرلى ناۋقان ازاماتتارعا ىڭعايلى ۋاقىتتا جانە ىڭعايلى جەردە جول قوزعالىسى قاۋىپسىزدىگى سالاسىندا كەڭەستىك جانە قۇقىقتىق كومەك الۋعا مۇمكىندىك بەرەدى. حالىقپەن ديالوگ جول قوزعالىسى قاۋىپسىزدىگى بويىنشا ازاماتتاردى تولعاندىراتىن ماسەلەلەردى تالقىلاۋ تۇرىندە جۇزەگە اسىرىلادى.
سونىمەن قاتار، پوليسەيلەر «جەدەل جەلى» جۇمىسىنا ەرەكشە نازار اۋداردى، ول ارقىلى ازاماتتار بۇكىل ناۋقان بارىسىندا وزدەرىن قىزىقتىراتىن سۇراقتارىن 8-776-777-78-98 تەلەفونى ارقىلى قويا الادى.
سونداي-اق، ناۋقان اياسىندا اكىمشىلىك پوليسيا، كوشى-قون جانە جەرگىلىكتى پوليسيا قىزمەتى باسشىلارىنىڭ قاتىسۋىمەن تىكەلەي ەفيرلەر وتەدى.