الماتىدا جولاۋشىلار اۆتوبۋسى ورتەندى

الماتىدا وتكەن تۇندە «جەتىسۋ» بازارى اۋماعىندا جولاۋشىلار اۆتوبۋسى ورتەندى.

ۆيدەو الەۋمەتتىك جەلىدە تارادى، دەپ حابارلايدى Almaty-akshamy.kz قازاقپاراتقا سىلتەمە جاساپ.

الماتى قالالىق توتەنشە جاعدايلار دەپارتامەنتىنىڭ مالىمەتىنشە، 3 ساۋىردە تۇنگى ساعات 23:10-دا تۇركسىب اۋدانى، «قايرات«شاعىناۋدانى، 181/2 مەكەنجايىنداعى ءۇيدىڭ ماڭىندا 125ء-شى باعىتتا قاتىنايتىن «لياز-529265» ماركالى اۆتوبۋس ورتەندى.

«ءورت سوندىرۋشىلەردىڭ العاشقى بولىمشەلەرى ساعات 23:16-دا جەتتى. جالىندى سوندىرۋگە جانە اۆتوبۋس كونسترۋكسياسىن سالقىنداتۋ ءۇشىن دەرەۋ كوبىگى بار وقپاندار بەرىلدى. قابىلدانعان شارالاردىڭ ارقاسىندا ءورتتىڭ تاراۋى ساعات 23:19-دا توقتاتىلىپ، ساعات 23:22-دە تولىق اۋىزدىقتالدى. وقيعا سەبەبى انىقتالۋدا«، - دەپ حابارلادى تجد باسپا ءسوز قىزمەتىنەن.

قالالىق تجد كولىك قۇرالدارى تەز ورتەنەتىنىن، نەبارى 2-3 مينۋت ىشىندە ونى تولىق جويىپ جىبەرەتىنىن ەسكە سالادى. سول سەبەپتى كولىكتە ءورتتىڭ العاشقى بەلگىلەرى پايدا بولعان كەزدە جولاۋشىلار ەسىكتەردەن نەمەسە قوسالقى شىعاتىن جەرلەردەن دەرەۋ شىعىپ كەتۋى قاجەت.