الماتىدا 18 اقپانعا قاراعان ءتۇنى Hyundai Santa Fe اۆتوكولىگى جەكە تۇرعىن ءۇيدىڭ كىرەبەرىسىنە ءوتىپ كەتكەن.
جول كولىك وقيعاسى جۇرگەنوۆ كوشەسىنىڭ تومەن جاعىنداعى جەتىسۋ كوشەسىندە بولعان، دەپ حابارلايدى aqshamnews.kz
الدىن الا مالىمەتتەر بويىنشا، Hyundai جۇرگىزۋشىسى جەتىسۋ كوشەسىمەن سولتۇستىك باعىتتا ءجۇرىپ كەلە جاتىپ، جۇرگەنوۆ كوشەسىمەن قيىلىسقان كەزدە قارسى قوزعالىس جولاعىنا شىعىپ كەتكەن.
ارتىنشا كولىك جول جيەكتاسىنان سەكىرىپ ءوتىپ، اعاشتار مەن گاز قۇبىرىنىڭ تىرەكتەرى اراسىنداعى تروتۋاردان ءوتىپ، جەكە ءۇيدىڭ ەسىك الدىنا سوعىلعان.
وقيعا سالدارىنان ەشكىم زارداپ شەككەن جوق. جۇرگىزۋشى اپاتتىڭ سەبەبى، گاز پەدالى مەن تەجەگىشتى شاتاستىرعانان بولۋى مۇمكىن ەكەنىن ايتتى. وقيعا ورنىندا جول پوليسياسىنىڭ قىزمەتكەرلەرى جۇمىس ىستەدى، ولار بولعان وقيعانىڭ ءمان-جايىن انىقتاۋدا.