الماتىدا «جول قوزعالىسى قاۋىپسىزدىگى اپتالىعى» ءوتىپ جاتىر

الماتىدا “جول قوزعالىسى قاۋىپسىزدىگى اپتالىعى” ءوتىپ جاتىر، – دەپ حابارلايدى almaty-akshamy.kz Polisia.kz. سىلتەمە جاساپ.

13-19 قاراشا ارالىعىندا الماتىدا “جول قاۋىپسىزدىگى اپتالىعى” پروفيلاكتيكالىق ناۋقانى ءوتىپ جاتىر. ۇيىمداستىرۋشىلىق ماسەلەلەردى جەدەل شەشۋ جانە ءىس-شارالاردى باسقارۋ ءۇشىن ارنايى شتاب قۇرىلدى. ونى جۇزەگە اسىرۋعا جەرگىلىكتى پوليسيا قىزمەتىنىڭ، اكىمشىلىك پوليسيانىڭ قىزمەتكەرلەرى، جۇرتشىلىق پەن مۇددەلى مەملەكەتتىك ورگانداردىڭ وكىلدەرى جۇمىلدىرىلدى.

Polisia.kz

دوڭگەلەك ۇستەلدەر، سەمينارلار، كونفەرەنسيالار وتكىزۋ ارقىلى جول قوزعالىسى قاۋىپسىزدىگىنىڭ نەگىزدەرى بويىنشا ءاقپاراتتىق-تۇسىندىرۋ جۇمىستارىن جۇرگىزۋ جوسپارلانۋدا. بۇل ءىس-شارالاردىڭ ءارقايسىسىنىڭ پروفيلاكتيكالىق سيپاتتاعى ءوز اتاۋى بولادى. مىسالى، “قامقور انا”، “ءسىزدىڭ جولاۋشىڭىز – بالا”، “ستۋدەنتتىك يدەيالار مەن باستامالار”، “ۇزدىك اۆتومەكتەپ”، “جۇرگىزۋشىگە حات”، “ءبىز ومىرگە سەنەمىز”، “دۇنيەجۇزىلىك جكو قۇرباندارىن ەسكە الۋ كۇنى”.

باستى ماقسات – جول قوزعالىسى ەرەجەلەرىن بۇزۋدى جويۋ، جول قوزعالىسى ەرەجەلەرىن ەسكە ءتۇسىرۋ، ولاردىڭ نەگىزگى تالاپتارىن جول قوزعالىسىنا قاتىسۋشىلارعا، اسىرەسە وسكەلەڭ ۇرپاققا جەتكىزۋ.

– ءبىزدىڭ باستى مىندەتىمىز – كولىك قوزعالىسىنىڭ قارقىندىلىعى جاعدايىندا مەكتەپ وقۋشىلارىنىڭ جول قوزعالىسىنا قاتىسۋ قاۋىپسىزدىگىن بارىنشا ارتتىرۋ جانە ولاردىڭ ءىرى قالا جولدارىندا قاۋىپسىزدىگىن قامتاماسىز ەتۋ. تاجىريبە كورسەتكەندەي، قاراڭعىدا كولىكتىڭ فارالارىنا جىپىلىقتايتىن جاياۋ جۇرگىنشى 150-400 مەتر قاشىقتىقتا كورىنەدى. سونىمەن قاتار جۇرگىزۋشىنىڭ تەجەۋگە ۋاقىتى جەتكىلىكتى، – دەدى ناۋقاندى ۇيىمداستىرۋشىلار.