الماتى كوشەلەرىندە ۋاقىتشا كولىك ءجۇرىسىنىڭ شەكتەلۋى تۋرالى اقپارات
ەسكى اسفالت جابىنىن الۋ ءۇشىن سايىن-شالياپين كوشەلەرى قيىلىسىنداعى جولايرىقتىڭ وڭتۇستىك-باتىس بولىگى 6 ماۋسىمدا ساعات 08.00 مەن كەشكى ساعات 19.00 ارالىعىندا كولىك ءجۇرىسى ءىشىنارا شەكتەلەدى، دەپ حابارلايدى Almaty-akshamy.kz.
جاڭا جابىندى توسەۋ ءۇشىن سايىن-شالياپين كوشەلەرى قيىلىسىنداعى جولايرىقتىڭ باتىس بولىگى 6 ماۋسىم كۇنگى ساعات 22.00 مەن 7 ماۋسىم كۇنگى 7.00 ارالىعىندا ءىشىنارا، ال 7 ماۋسىم كۇنگى ساعات 22.00 مەن 8 ماۋسىم كۇنگى ساعات 06.00 ارالىعىندا تولىق جابىلادى.
اتالعان جۇمىستار ورتاشا جول جوندەۋ جۇمىستارى اياسىندا جوسپارلانعان. كەلتىرىلگەن قولايسىزدىقتار ءۇشىن كەشىرىم وتىنەمىز جانە جول ءجۇرۋ باعىتتارىڭىزدى الدىن الا جوسپارلاۋلارىڭىزدى سۇرايمىز.