كولىك پوليسەيلەرى جوعالىپ كەتكەن 13 جاستاعى تۋريست قىزدى ىزدەپ تاپتى، دەپ حابارلايدى aqshamnews.kz.
ق ر ءىىم مالىمەتىنشە، الماتى اۋەجايىنىڭ جەلىلىك پوليسيا ءبولىمى قىزمەتكەرلەرى قىز بالانىڭ جوعالىپ كەتكەنى تۋرالى حابارلامانى الا سالىسىمەن دەرەۋ شارالار قابىلداپ، ءجاسوسپىرىمدى ىزدەۋگە كىرىستى.
ايتا كەتەيىك، شەتەلدىك ءجاسوسپىرىم قازاقستانعا اناسىمەن بىرگە كەلگەن. الايدا ول جانجال سالدارىنان قۇجاتتارىن الىپ، بەلگىسىز باعىتقا كەتىپ قالعان.
كولىك پوليسەيلەرىنىڭ قىراعىلىعى مەن جەدەل ارەكەتتەرىنىڭ ارقاسىندا كەشكى ساعات 20:00 شاماسىندا اۋەجايدى پاترۋلدەۋ كەزىندە 13 جاستاعى قحر ازاماتى ميا يۋ تين امان-ەسەن تابىلىپ، اناسىنا تاپسىرىلدى، - دەلىنگەن مالىمەتتە.