الماتىدا 14 جاستاعى قىز جوعالىپ كەتتى
ءجاسوسپىرىم 16 قىركۇيەك كۇنى الاتاۋ اۋدانىنداعى №91 مەكتەپتەن كەشكى ۋاقىتتا شىعىپ كەتكەن، دەپ حابارلايدى Almaty-akshamy.kz.
«ۇستىندە قارا فۋتبولكا، قارا دجينسى، اياعىندا اق ءتۇستى كروسسوۆكا، قولىندا ريۋكزاك بولعان. ونىڭ شاشى قىزعىلت سارى تۇسكە بويالعان، دەنە ءبىتىمى ورتاشا. بويى 160-165 سم»، دەپ حابارلادى ەرىكتىلەر.
پوليسيانىڭ مالىمەتىنشە، قىزدىڭ اتا-اناسى قۇزىرلى ورگانعا تۇندە شاعىمدانعان.
«قازىرگى ۋاقىتتا ىزدەۋ شارالارى ۇيىمداستىرىلدى. ءمان-جاي انىقتالىپ، قىزدىڭ جان-جاعىنداعى ادامداردان سۇراستىرىپ جاتىرمىز»، - دەدى الاتاۋ اۋداندىق پوليسيا باسقارماسىندا.