الماتىدا جەرتولەدەن دوڭگەلەك ۇرلاپ جۇرگەن كۇدىكتى ۇستالدى

اۋەزوۆ اۋدانىنىڭ پوليسەيلەرى جەرتولەدەن دوڭگەلەكتەردى ۇرلادى دەگەن كۇدىكپەن ر. ەسىمدى ازاماتتى ۇستادى، دەپ حابارلايدى Almaty-akshamy.kz.

«قاسكوي كەلەسىدەي ارەكەت ەتتى: ول مەكەنجايدا كامەرالاردىڭ بار-جوعىن الدىن الا تەكسەرىپ، بىرنەشە كۇن بويى كىرەبەرىستى باقىلاپ، ىشكە كىرىپ، جەرتولە قۇلپىن بۇزىپ، دوڭگەلەكتەردى ۇرلاپ كەتكەن. ول دوڭگەلەكتەردى ءوزىنىڭ Volkswagen كولىگىنە سالعان. بارلىق ءۇش ۇرلىق بەينەباقىلاۋ كامەرالارىنا ءتۇسىپ قالعان، ايتپاقشى، كۇدىكتى كامەرالاردان جاسىرىنباق بولعان. قازىرگى ۋاقىتتا تەرگەۋ ر.ەسىمدى ازاماتتىڭ وسىعان ۇقساس 3 ەپيزودقا قاتىسى بارىن انىقتادى. قىلمىستىق ءىس ق ر قك-نىڭ 188-بابى بويىنشا تەرگەلىپ جاتىر. كۇدىكتىگە قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.