الماتىدا ەرلى-زايىپتى جۇپ ۇرلىق جاساۋمەن اينالىسقان

الماتى پوليسەيلەرى ۇرلىق جاساۋمەن اينالىسقان ەرلى-زايىپتىنى ۇستادى.

سوتقا دەيىنگى تەرگەۋدىڭ وسى كەزەڭىندە 50 جانە 52 جاستاعى ەرلى-زايىپتى ازاماتتار ەكى رەت بوتەننىڭ مۇلكىن ۇرلاعانى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«ءبىرىنشى جاعدايدا ولار اقساي-2 شاعىن اۋدانىنداعى ۇيلەردىڭ ءبىرىنىڭ كىرەبەرىسىنەن ۆەلوسيپەد ۇرلاپ كەتكەن. جاقىندا تاعى دا بىرەۋدىڭ مۇلكىن ۇرلاۋ دەرەگى تىركەلدى. بۇل جولى ەرلى-زايىپتى بوتەن بىرەۋدىڭ Macbookء-ىن ۇرلاپ كەتتى. ونىڭ ۇستىنە ەكى ۇرلىق تا بەينەكامەراعا ءتۇسىپ قالعان. ۇستالعاندار – الماتى وبلىسىنىڭ تۇرعىندارى، ولار ءوز كىنالارىن تولىق مويىندادى. ۇستالعانداردىڭ جەكە باسى باسقا دا ىقتيمال ەپيزودتارعا قاتىسى بار-جوعىنا تەكسەرىلىپ جاتىر»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.

ايتا كەتەيىك، ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.