الماتى تۇرعىندارىنىڭ ۇيالى تەلەفوندارىنا جەر سىلىكىنىسىنەن حاباردار ەتەتىن دابىل بەلگىسى ىسكە قوسىلدى، - دەپ حابارلايدى Aqshamnews.kz.
"مالىمەتتەر ناقتىلانۋدا. الدىن الا اقپارات بويىنشا سەيسميكالىق جاعداي الماتى قالاسىندا تىركەلدى. سەزىلەتىندىگى تۋرالى مالىمەتتەر انىقتالىپ جاتىر،" -دەلىنگەن تجم مالىمەتىندە.
تجم حابارلاۋىنشا، سەيسموداچيكتەردىڭ دەرەكتەرى بويىنشا قىرعىزستان اۋماعىندا الماتىدان 135 كم قاشىقتىقتا وڭتۇستىك باتىسقا قاراي سەيسميكالىق وقيعا تىركەلدى، ول حالىق پەن ينفراقۇرىلىم نىساندارىنا ءقاۋىپ توندىرمەدى.
سەيسميكالىق وقيعا تۋرالى حابارلاما اۆتوماتتى تۇردە قالىپتاستىرىلدى. بۇل حابارلاما جۇيەنىڭ تەستىلىك-ىس رەجيمىندە جۇمىس ىستەۋىنىڭ ءبىر بولىگى بولىپ تابىلادى سونداي اق قاتە ەمەس.
ۇلتتىق سەيسمولوگيالىق باقىلاۋ جانە زەرتتەۋ ورتالىعىنىڭ داچيكتەرى مەن جابدىقتارىن MassAlert جاپپاي حابارلاۋ جۇيەسىنە ينتەگراسيالاۋ جۇمىستارى جالعاسۋدا.
ماماندار سەيسميكالىق ستانسيالار مەن داچيكتەردى زەرتتەپ، وقيعانىڭ بارلىق ءمان-جايىن انىقتاۋدا.
حالىققا جولداناتىن حابارلامالار بولاشاقتا بارىنشا ناقتى ءارى تۇسىنىكتى بولۋى ءۇشىن پارامەترلەر مەن الگوريتمدەردى ناقتىلاۋ جانە باپتاۋ جۇمىستارى جۇرگىزىلىپ جاتىر.
