الداعى حالىقارالىق تۋرنير مەن "دينامو" سپورت قوعامىنىڭ 100 جىلدىعى تۋرالى وڭىرلىك كوممۋنيكاسيالار قىزمەتى الاڭىندا «دينامو» دشسق قب ءتوراعاسىنىڭ ءبىرىنشى ورىنباسارى، پوليسيا پولكوۆنيگى اسقار ومارقۇلوۆ پەن قوعاممەن بايلانىس جانە ب ا ق باسقارماسىنىڭ باستىعى گۇلايم حايرۋللا باياندادى.
جەڭىس كۇنى مەن ادىلەت گەنەرال-مايورى رۇستەم قايداروۆتى ەسكە الۋعا ارنالعان سامبو جانە جاۋىنگەرلىك سامبودان حالىقارالىق تۋرنير 5-7 مامىر ارالىعىندا الماتىدا وتەدى. وعان وزبەكستان، قىرعىزستان جانە تاجىكستان سپورتشىلارى قاتىسادى.
"ءتۋرنيردى ق ر ءىىم، “گەنەرالدار كەڭەسى" قوعامدىق بىرلەستىگى جانە "دينامو" دەنە شىنىقتىرۋ-سپورت قوعامىنىڭ ورتالىق كەڭەسى، سونداي - اق سامبو جانە جاۋىنگەرلىك سامبودان رەسپۋبليكالىق جانە الماتى قالالىق فەدەراسياسى ۇيىمداستىرادى"، - دەدى ا.ومارقۇلوۆ.
سونداي-اق، ول بيىلعى جارىستىڭ ەرەكشەلىگى - تۋرنير ناتيجەسىنە بويىنشا قاتىسۋشىلارعا سپورت شەبەرى اتاعى بەرىلەتىنىن اتاپ ءوتتى.
سپيكەر ماڭىزدى وقيعالار قاتارىندا “دينامو" قوعامىنىڭ 2025 جىلى وتەتىن 100 جىلدىق مەرەيتويىن دا اتاپ ءوتتى. بۇگىننىڭ وزىندە-اق ءىس-شاراعا دايىندىق قارقىندى ءجۇرىپ جاتىر.
"دينامو" تاريحى، ءسوزسىز، بۇرىنعى كەڭەستىك جانە قازىرگى تاۋەلسىز قازاقستاننىڭ تاريحىمەن بايلانىستى. سوندىقتان قوعامنىڭ مەرەيتويى ءبارىمىز ءۇشىن ەستە قالارلىق وقيعا بولماق"، - دەپ اتاپ ءوتتى ول.
"دينامو" قوعامىندا بالالار سپورتىنا ەرەكشە كوڭىل بولىنەدى. جىل سايىن مامىر-ماۋسىم ايلارىندا "دينامو - قازاقستان بالالارىنا" اكسياسى، بۇكىل ەل بويىنشا 10 مىڭنان استام بالانى قامتيتىن مارافون وتكىزىلەدى. مىسالى، 1400-دەن استام بالانىڭ باسىن قوسقان الماتى مارافونى باعدارلاماسىندا جۇگىرۋ، "كىم جىلدام" ەستافەتاسى، دارتس ويىنى، كىشى فۋتبول، ۆولەيبول، ارقان تارتۋ، ساپتىق دايىندىق جانە جەكپە-جەك بويىنشا جارىستار بولدى. وسىنداي ءىس-شارانى بيىل دا وتكىزۋ جوسپارلانۋدا.
"دينامو" 6 مىڭنان استام بالانى بىرىكتىرەدى، ولار ەل بويىنشا 180-گە جۋىق سەكسيادا جاتتىعادى، سەكسيالاردىڭ 117ء-سى تەگىن جۇمىس ىستەيدى. سونىمەن قاتار، "جاس دينامو" قوزعالىسىنا ەلىمىزدىڭ بارلىق وڭىرلەرىندە 30 مىڭنان استام وقۋشىلار مەن ستۋدەنتتەر تارتىلدى.
"دينامودا" 36 وليمپيادالىق سپورت تۇرىنەن شەبەرلەردى دايىنداپ، ۇلتتىق قۇرامانىڭ شامامەن 80% - قوعام مۇشەلەرى بولىپ تابىلادى. تاۋەلسىزدىك جىلدارىندا قازاقستاندىقتار جەڭىپ العان 81 وليمپيادا مەدالىنىڭ 68ء-ى دينامولىقتاردىڭ قورجىنىندا، ونىڭ ىشىندە 16 التىن، 19 كۇمىس جانە 37 قولا جۇلدەلەر. توكيو وليمپياداسىندا جەڭىپ الىنعان 8 مەدالدىڭ 7ء-سى «دينامو» وكىلدەرىنە تيەسىلى. بيىلعى جىلى «دينامو» ءوز سپورتشىلارىنا پاريج وليمپياداسىنا ليسەنزيا الۋعا دەگەن كۇرەستە ۇلكەن ءۇمىت ارتادى.