بۇگىن تۇندە الماتىنىڭ اۋەزوۆ اۋدانىندا جەڭىل اۆتوكولىك وتقا وراندى.
ورتەنگەن كولىكتىڭ ۆيدەوسى جەلىگە شىقتى، دەپ حابارلايدى Almaty-akshamy.kz.
الماتى قالالىق توتەنشە جاعدايلار دەپارتامەنتىنىڭ مالىمەتىنشە، 1 جەلتوقسان كۇنى ساعات 00:46-دا وقيعا ورنىنا جەتكەن ءورت سوندىرۋشىلەر «Lada Priorا» ماركالى اۆتوكولىگىنىڭ ءورتىن ءسوندىردى.
«2014 جىلى شىققان جەڭىل اۆتوكولىك اباي مەن التىنسارين داڭعىلدارىنىڭ قيىلىسى اۋماعىندا ورتەنىپ جاتتى. ورتەنگەن اۋماق 3 شارشى مەتر بولدى. ءورت سوندىرۋشىلەر وقيعا ورنىنا جەتكەن سوڭ، 2 مينۋت ىشىندە، ساعات 00:54-تە ءورتتى ءسوندىردى. قازا تاپقاندار مەن زارداپ شەككەندەر بولعان جوق»، - دەلىنەدى تجد حابارلاماسىندا.
الماتى قالالىق تجد كولىكتەن شىققان ءورت تەز تارالاتىنىن، سول سەبەپتى كولىكتە ءاردايىم جۇمىس ىستەيتىن ءورت ءسوندىرۋ قۇرالدارى بولۋ كەرەكتىگىن ەسكەرتتى. سونداي-اق، كولىككە تەك مامانداندىرىلعان تەحنيكالىق قىزمەت كورسەتۋ ورتالىقتارىندا قىزمەت كورسەتكەن دۇرىس.