الماتى قالاسى الاتاۋ اۋدانىنا قاراستى №196 جالپى ءبىلىم بەرەتىن مەكتەپتە جەلتوقسان وقيعاسىنىڭ 39 جىلدىعى مەن قازاقستان رەسپۋبليكاسىنىڭ تاۋەلسىزدىك كۇنىنە ارنالعان ءىس-شارا ءوتتى. تاربيەلىك باعىتتاعى ءىس-شارا 8–10 سىنىپ وقۋشىلارى اراسىندا «جەتىستىگىمدى ەلىمە ارنايمىن» تاقىرىبىندا ۇيىمداستىرىلدى.
ءىس-شارانىڭ باستى ماقساتى — جەلتوقسان وقيعاسىنىڭ تاريحي ماڭىزىن ءتۇسىندىرۋ، تاۋەلسىزدىك جولىندا كۇرەسكەن ازاماتتاردىڭ ەرلىگىن دارىپتەۋ، سونداي-اق وقۋشىلاردىڭ بويىندا وتانسۇيگىشتىك، ازاماتتىق جاۋاپكەرشىلىك پەن ۇلتتىق رۋحتى قالىپتاستىرۋ.
شارا بارىسىندا وقۋشىلار پاتريوتتىق ولەڭدەر وقىپ، جەلتوقسان تاقىرىبىندا ساحنالىق كورىنىستەر مەن مۋزىكالىق قويىلىمدار ۇسىندى. سونىمەن قاتار، تاۋەلسىز قازاقستاننىڭ جەتىستىكتەرى مەن جاستاردىڭ ەل بولاشاعىنداعى ءرولى تۋرالى وي-پىكىرلەر ورتاعا سالىندى.
ءىس-شاراعا قۇرمەتتى قوناق رەتىندە جەلتوقسان وقيعاسىنىڭ ارداگەرلەرى بايتۋلەكوۆا سايانا نەسىپقازى قىزى مەن باياديلوۆ حالەل وڭعار ۇلى قاتىسىپ، ءوز ەستەلىكتەرىمەن ءبولىستى. ولار جاس ۇرپاقتى ەلىن سۇيۋگە، تاۋەلسىزدىكتىڭ ءقادىرىن باعالاۋعا جانە ءبىلىم الىپ، جەتىستىكتەرىن وتان يگىلىگىنە ارناۋعا شاقىردى.
كەزدەسۋ سوڭىندا وقۋشىلار مەن ۇستازدار ارداگەرلەرگە العىستارىن ءبىلدىرىپ، مۇنداي تاعىلىمدى شارالاردىڭ وسكەلەڭ ۇرپاق تاربيەسىندەگى ماڭىزىن اتاپ ءوتتى.