الماتىدا جەكە تۇرعىن ءۇي سەكتورىندا ءۇش ءۇي وتقا وراندى

ابىروي بولعاندا، زارداپ شەككەندەر جوق، دەپ حابارلايدى Almaty-akshamy.kz.

«12 شىلدە كۇنى ساعات 17:05 مينۋت شاماسىندا ءورت سوندىرۋشىلەر مەدەۋ اۋدانى لاتيف حاميدي كوشەسىنە جىبەرىلدى. جەتى مينۋتتا كەلگەن ساتتە ءۇش ءۇيدىڭ شاتىرى اشىق جالىنمەن جانىپ جاتقانى انىقتالدى. گاز-تۇتىننەن قورعاۋ قىزمەتى ادام بار-جوعىنا بارلاۋ جۇرگىزىپ، قىزمەتكەرلەر ءورت سوندىرۋگە كىرىستى» دەپ حابارلايدى تجد باسپا ءسوز قىزمەتىنەن.

ءۇش ءۇيدىڭ شاتىرىنداعى ءورتتى ءسوندىرۋ بارىسىندا ەكى ادام قۇتقارىلىپ، گاز باللونى شىعارىلعان.

سونداي-اق نىساندار ەلەكتر قۋاتىنان اجىراتىلىپ، پوليسيا قىزمەتكەرلەرى وقيعا ورنىن قورشاۋعا الدى.

«ءورتتىڭ تەز تارالۋىنا ۇيلەردىڭ تەز جاناتىن ماتەريالدان جاسالعانى سەبەپ بولدى. سوعان قاراماستان قابىلدانعان جەدەل شارالاردىڭ ارقاسىندا 280 شارشى مەتر اۋماقتاعى ءورت 17:34-تا وقشاۋلانىپ، 17:48-دە ءسوندىرىلدى. ابىروي بولعاندا زارداپ شەككەندەر جوق. وقيعا ورنىنا تجد كۇش-قۇرالدارى 33 ادام جانە 9 تەحنيكا جۇمىلدىرىلدى»،- دەپ حابارلادى دەپارتامەنتتەن.

ءورتتىڭ سەبەبى ناقتىلانىپ جاتىر.

جالىننىڭ كورشى عيماراتتارعا تارالۋىنا جول بەرىلمەدى.