الماتىدا جەكە سوت ورىنداۋشىسى ءوندىرىپ الۋشىلارعا تيەسىلى اقشانى زاڭسىز يەمدەنگەنى ءۇشىن سوتتالدى، - دەپ حابارلايدى aqshamnews.kz ءتىلشىسى.
الماتىدا جسو ءوندىرىپ الىنعان قاراجاتتى يەمدەنگەنى جانە اسا ءىرى كولەمدەگى الاياقتىق جاساعانى ءۇشىن سوتتالدى. قالا پروكۋراتۋراسىنىڭ جۇرگىزگەن تەكسەرۋى بارىسىندا ءتارتىپ بۇزۋشىلىق دەرەكتەرى انىقتالدى.
جسو ءوزىنىڭ قىزمەت بابىن پايدالانا وتىرىپ، ءوندىرىپ الۋشىلارعا تيەسىلى 370 ميلليون تەڭگەدەن استام قارجىنى يەمدەنىپ العانى، سونداي-اق Range Rover اۆتوكولىگىن زاڭسىز يەمدەنىپ، 19 ميلليون تەڭگەدەن استام شىعىن كەلتىرگەنى انىقتالدى.
المالى اۋداندىق سوتىنىڭ ۇكىمىمەن جسو قىلمىستىق جولمەن تاپقان مۇلكى تاركىلەنىپ، 8 جىلعا باس بوستاندىعىنان جانە سوت ورىنداۋشىسى قىزمەتىمەن اينالىسۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.