الماتىدا بۇگىنگى كۇنى 33 جەكە مساك جەتكىزۋشىسى بار
قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆ العاشقى مەديسينالىق-سانيتاريالىق كومەكتىڭ جەكە مەديسينالىق ۇيىم جەتەكشىلەرىمەن كەزدەستى. كەڭەستە قالا تۇرعىندارىنا جەكە ۇيىمدارعا بەكىتىلگەن مەديسينالىق قىزمەتتەردىڭ ساپاسى، ولاردىڭ ناتيجەلىلىگىنىڭ نەگىزگى كورسەتكىشتەرى، سونداي-اق جەكە تۇلعالاردى تىركەۋ ەرەجەلەرى قاراستىرىلدى، دەپ حابارلايدى Almaty-akshamy.kz.
ەستەرىڭىزگە سالا كەتەيىك، مەملەكەتتىك تاپسىرىس اياسىندا قىزمەت كورسەتەتىن جەكە ۇيىمدار مەديسينالىق قىزمەتتەردىڭ ساپاسىن قامتاماسىز ەتۋگە جاۋاپتى. سودان كەيىن جەتكىزۋشىلەر مەن الەۋمەتتىك مەديسينالىق ساقتاندىرۋ قورى اراسىنداعى شارتتا رەتتەلەدى.
الماتىدا بۇگىنگى كۇنى 33 جەكە مساك جەتكىزۋشىسى بار.
اعىمداعى جىلدىڭ ءبىرىنشى جارتىجىلدىعىندا مەديسينالىق قىزمەتتى تالداۋ قورىتىندىسى بويىنشا كەيبىر جەكە مەديسينالىق ۇيىمداردىڭ ناتيجەسى نەگىزگى كورسەتكىشتەرىنە قول جەتكىزبەگەنى انىقتالدى.
كەزدەسۋ بارىسىندا يران شامەتەكوۆ ونكولوگيا، تۋبەركۋلەز، جۇرەك-قان تامىرلارى اۋرۋلارى، سكرينينگتىك تەكسەرۋلەر، سونداي-اق دارى-دارمەكپەن قامتاماسىز ەتۋ جانە ت.ب. سياقتى ءتۇرلى اۋرۋلار بويىنشا جەكە مساك ۇيىمدارى نىسانالى ينديكاتورلارعا قول جەتكىزۋدىڭ ماڭىزدىلىعىنا نازار اۋداردى.
«دەنساۋلىق ساقتاۋداعى KPI ەسەپتەۋ جۇيەسى، ونىڭ ىشىندە ءمامس جانە تمككك بويىنشا حالىققا مەديسينالىق قىزمەت كورسەتەتىن جەكە ۇيىمدارداعى قىزمەتتى كەشەندى باعالاۋدىڭ وڭتايلى ولشەمدەرىنە جاۋاپ بەرەدى. نەگىزگى كورسەتكىشتەرگە جۇيەلى تۇردە قول جەتكىزە المايتىن ۇيىمدار «جوسىقسىز» قاتارىنا ەنگىزىلەتىن بولادى جانە ولار بويىنشا ءامسق تاراپىنان كەلەسى كەزەڭگە ولاردى قارجىلاندىرۋ ماسەلەسى تۋىندايتىن بولادى»، - دەپ يران شامەتەكوۆ ايتىپ ءوتتى.
ايتا كەتۋ كەرەك، بۇگىندە ءۇشجاقتى شارت بويىنشا كەلىسىم-شارت ازىرلەنۋدە، وعان الەۋمەتتىك مەديسينالىق ساقتاندىرۋ قورى جانە جەكە مەديسينالىق ۇيىم، قوعامدىق دەنساۋلىق ساقتاۋ باسقارماسى دا قاتىساتىن بولادى.
«جىلدان جىلعا قالا بويىنشا حالىق سانىنىڭ ءوسۋى بايقالادى، وسىعان بايلانىستى ستاسيونارلىق كومەك جۇكتەمەسىن ازايتۋ ءۇشىن ەمحانالار دەڭگەيىندە جۇمىستى كۇشەيتۋ قاجەت. ەۋروپا ەلدەرىنىڭ تاجىريبەسىن ەنگىزۋ قاجەت، مىسالى، «ءبىر كۇندىك حيرۋرگيا». مساك دەڭگەيىندە جاسالۋى مۇمكىن وپەراسيالار بار. وسى ۇسىنىس تۋرالى ويلانۋدى سۇرايمىن»، - دەدى باسقارما باسشىسى.
سونداي-اق، مساك دەنساۋلىق ساقتاۋ ۇيىمدارىنا جەكە تۇلعالاردى بەكىتۋ قاعيدالارىنىڭ ماسەلەلەرى قارالدى. ەستەرىڭىزگە سالا كەتەيىك، 15 قىركۇيەكتەن باستاپ ەركىن تىركەۋ ناۋقانى باستالدى.
مۇندا وتباسىلىق پرينسيپ بويىنشا تىركەۋدىڭ ماڭىزدىلىعى اتاپ ءوتىلدى، ياعني، ءبىر ەمحانادا بۇكىل وتباسىنا قىزمەت كورسەتۋ، سونداي-اق، قادامدىق قولجەتىمدىلىك، بۇل ۋاقىت جاعىنان وتە ماڭىزدى، ويتكەنى بۇل تارماقشاعا ۇيدە اكتيۆكە قىزمەت كورسەتۋ ماسەلەسى كىرەدى.
«سوڭعى ۋاقىتتا تۇرعىنداردان كوپتەگەن وتىنىشتەر كەلىپ تۇسۋدە. - ءتۇسىندىرۋ جۇمىستارىن كۇشەيتۋ قاجەت. پاسيەنت ءوز اۋدانىندا ورنالاسقان قادامدىق قول جەتىمدىلىكتە ەمحانانى تاڭداۋى كەرەك» - دەيدى ەمدەۋ-پروفيلاكتيكالىق جۇمىسى ءبولىمىنىڭ باسشىسىنىڭ مىندەتىن اتقارۋشى لايلا يمانعالييەۆا.
سونداي-اق، باسقارما باسشىسى مساك دەڭگەيىندە مەديسينالىق قىزمەت كورسەتۋ ساپاسىنىڭ ناشارلاۋىنا جول بەرمەۋ وتە ماڭىزدى ەكەنىن تاعى دا اتاپ ءوتتى.