جاڭا جىل قارساڭىندا الماتىنىڭ مەديسينالىق جەدەل جاردەم قىزمەتىنىڭ اۆتوپاركى JAC Sunray ماركالى 48 زاماناۋي اۆتوكولىك الدى. ونىڭ 12ء-سى «س» كلاستى جانە 36-سى «ۆ» كلاستى كولىك.
جاڭا كولىكتەر رەانيماسيالىق قۇرىلعىلار، دەفيبريللياتورلار، ەلەكتروكارديوگرافتار، وكپەنى جاساندى جەلدەتۋ اپپاراتتارى جانە ت.ب. قۇرالدار سىندى الەمدىك برەندتەردىڭ زاماناۋي مەديسينالىق جابدىقتارىمەن جابدىقتالعان. بۇل مەديسينالىق جەدەل جاردەمدى جوعارى دەڭگەيدە كورسەتۋگە مۇمكىندىك بەرەدى.
اۆتوپارك الماتى قالاسى اكىمدىگىنىڭ جانە قوعامدىق دەنساۋلىق باسقارماسىنىڭ قارجىلاندىرۋى ارقاسىندا جاڭاردى. كەلەسى جىلى تاعى 50 جەدەل جاردەم كولىگىن ساتىپ الۋ جوسپارلانعان.
كۇن سايىن 186 بريگادا كەزەكشىلىك اتقارىپ، 3 مىڭنان استام شاقىرتۋعا جاۋاپ قىزمەت كورسەتەدى.
2024 جىلدىڭ 11 ايىنىڭ قورىتىندىسى بويىنشا 990 مىڭنان استام شاقىرۋ ورىندالدى. ءبىرىنشى جانە ءۇشىنشى ساناتتاعى شاقىرۋلارعا جەتۋ ۋاقىتى ورتا ەسەپپەن 12،6 مينۋت، بۇل ۇلتتىق ستاندارتتارعا سايكەس كەلەدى. وسى كەزەڭدە 142 ءساتتى رەانيماسيا جاسالدى.
بۇگىندە الماتى قالاسىنىڭ جەدەل جاردەم قىزمەتى قالانىڭ ءار اۋدانىندا ورنالاسقان 13 قوسالقى ستانسيادان تۇرادى، بۇل شاقىرۋلارعا جىلدام جاۋاپ بەرۋدى قامتاماسىز ەتەدى. 2024 جىلدىڭ جازىندا التاي-1 شاعىن اۋدانىندا جاڭا قوسالقى ستانسيا اشىلدى، بۇل جەدەل كومەك كورسەتۋ قىزمەتىن ودان ءارى قولجەتىمدى ەتتى.