جازعى دەمالىس كەزەڭىندە بالالار مەن جاسوسپىرىمدەردىڭ تولىق جۇمىسپەن قامتىلۋىن جانە دۇرىس ۋاقىت وتكىزۋىن قامتاماسىز ەتۋ، ولاردىڭ قاداعالاۋسىز جانە باقىلاۋسىز قالۋىنا جول بەرمەۋ ماقساتىندا قالانىڭ بارلىق ورتا ءبىلىم بەرۋ ۇيىمدارىندا جۇمىس ۇيىمداستىرىلاتىن بولادى. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى ءبىلىم باسقارماسى باسشىسىنىڭ ورىنباسارى قايرات جۇمانوۆ مالىمدەدى، دەپ حابارلايدى اlmaty-akshamy.kz.
سپيكەر ۇزدىكسىز ءبىلىم بەرۋ جۇيەسىندە جازعى دەمالىستار بالالار مەن جاسوسپىرىمدەردى دامىتۋ، تاربيەلەۋ جانە ساۋىقتىرۋ ماڭىزدى ءرول اتقاراتىنىن كەلەسى وقۋ جىلىنا ولارعا تىڭ سەرپىن بەرەتىنىن اتاپ ءوتتى.
«كانيكۋل كەزىندە ۇيىمداستىرىلعان دەمالىس – بۇل، ەڭ الدىمەن، ولاردىڭ الەۋمەتتىك قورعالۋى. جازعى دەمالىس كەزىندە بالالاردىڭ جاراقاتتانۋى، قۇقىق بۇزۋشىلىق، جاسوسپىرىمدەردىڭ زياندى ادەتتەرگە جۇگىنۋ ءقاۋپى ارتادى»، - دەدى ق. جۇمانوۆ.
ول جاز كەزەڭىندە بالالارمەن كوشەدە، جولداردا، سۋدا ءقاۋىپسىز ءجۇرىس-تۇرىس داعدىلارىن جەتىلدىرۋ، ءورت قاۋىپسىزدىگى قاعيدالارى بويىنشا، بالالاردىڭ جول-كولىك جاراقاتتانۋىن، اگرەسسيۆتىلىك پەن الاڭداۋشىلىقتى بولدىرماۋ بويىنشا، سونداي-اق جازاتايىم وقيعالار كەزىندە دارىگەرگە دەيىنگى العاشقى كومەك كورسەتۋ بويىنشا پەداگوگتەردىڭ جۇمىسى جالعاستىرىلاتىنىن حابارلادى.
قالانىڭ بارلىق مەكتەپتەرىندە جازعى دەمالىس كەزىندە بالالاردىڭ دەمالىسى جانە ەڭبەكپەن قامتىلۋى ۇيىمداستىرىرىلادى. بۇل شارالار قازاقستان رەسپۋبليكاسى بالالار جىلىنا ارنالعان جازعى دەمالىس ۋاقىتىندا بالالاردىڭ دەمالىسىن جانە ەڭبەكپەن قامتىلۋىن ۇيىمداستىرۋ تۋرالى «الماتى بالالارىنىڭ جازى – ۇلكەن ارمانعا جاسالعان شاعىن قادام!» تۇجىرىمداماسىنا سايكەس جۇزەگە اسادى. تۇجىرىمدامانىڭ ماقساتى - باسەكەگە قابىلەتتى تۇلعانى دامىتۋدىڭ شىعارماشىلىق، سپورتتىق، كوشباسشىلىق باعدارلامالارىن ىسكە اسىرۋ ماقساتىندا بالالاردىڭ جازعى دەمالىسىن جانە جۇمىسپەن قامتىلۋىن ۇيىمداستىرۋدىڭ ءبىرىڭعاي تاسىلدەرىن ازىرلەۋ.
جازعى كەزەڭدە الماتىلىق وقۋشىلاردى جۇمىسپەن قامتۋ بىرنەشە باعىتتار بويىنشا ۇيىمداستىرىلادى.
ءبىرىنشى – 26 مامىردان 17 ماۋسىمعا دەيىن 1-8 سىنىپ وقۋشىلارى ءۇشىن وقۋشىلاردىڭ جوعالتقان ءبىلىمىنىڭ ورنىن تولتىراتىن جازعى مەكتەپ جۇمىس ىستەيتىن بولادى. جازعى مەكتەپتە وقۋ ساباقتارىنان باسقا دەنە شىنىقتىرۋ مينۋتتارى، قوزعالمالى ويىندار، فلەشموبتار كوزدەلەدى. شامامەن قامتىلاتىن وقۋشىلار سانى 30 مىڭنان استام ادامدى قۇرايدى.
ەكىنشى – 7-13 جاستاعى بالالارعا ارنالعان جازعى مەكتەپ جانىنداعى لاگەر ەكى نۇسقادا: تولىق كۇنگە تاماقپەن جانە تولىق ەمەس كۇنگە تاماقتانۋسىز. جۇمىس ۋاقىتى-2022 جىلعى 1 ماۋسىمنان 27 تامىزعا دەيىن. 26 مىڭنان استام بالا قامتىلادى.
ءۇشىنشى – مەكتەپتەردە سپورتتىق سەكسيالار، ۇيىرمەلەر، ستۋديالار، وقىرمان كلۋبتارى مەن مەكتەپ كىتاپحانالارى جۇمىس ىستەيتىن بولادى. ءبىلىم بەرۋ ۇيىمدارىندا جازعى كەزەڭدە بارلىعى 1150 ۇيىرمە مەن سەكسيا (بەينەلەۋ ونەرى، مۇسىندەۋ، توقۋ، قولدانبالى ونەر، سپورت سەكسيالارى) جۇمىس ىستەيتىن بولادى. قامتۋ 28 مىڭنان استام بالانى قۇرايدى.
ءتورتىنشى – الماتىدا جازدا بالالارمەن قوسا قوسىمشا ءبىلىم بەرۋ ۇيىمدارى (وقۋشىلار سارايى، التى وقۋشىلار ءۇيى، 44 جەكە قوسىمشا ءبىلىم بەرۋ ۇيىمدارى) جۇمىس ىستەيتىن بولادى. جازعى دەمالىس كەزەڭىندە بالالارعا ارنالعان قوسىمشا ءبىلىم بەرۋ ۇيىمدارىندا بارلىعى 1200-گە جۋىق ۇيىرمەلەر مەن سەكسيالار قولجەتىمدى بولادى. قامتۋ 28 مىڭنان استام بالانى قۇرايدى.
سونىمەن قاتار، الماتىلىق وقۋشىلار كانيكۋل كەزىندە قالالىق جانە قالا سىرتىنداعى بالالار لاگەرلەرىندە دەمالا الادى. بالالاردىڭ جازعى دەمالىسى بيۋدجەت قاراجاتى ەسەبىنەن دە، كوممەرسيالىق نەگىزدە دە ۇيىمداستىرىلادى. ساۋىقتىرۋ دەمالىسىمەن ءبىرىنشى كەزەكتە الەۋمەتتىك وسال ساناتتاعى بالالار: كوپ بالالى، از قامتىلعان وتباسىلاردان شىققان بالالار، ەرەكشە ءبىلىم بەرىلۋىنە قاجەتتىلىگى بار بالالار قامتىلادى. جالپى، 33 مىڭنان استام بالا قامتىلادى.
الماتى قالاسى ءبىلىم باسقارماسى باسشىسى ورىنباسارىنىڭ ايتۋىنشا، بارلىق ءبىلىم بەرۋ ۇيىمدارىنا ۇسىنىمدارى، نۇسقاۋلىقتارى، جادىنامالارى بار نۇسقاۋلىق-ادىستەمەلىك حاتتار جولداندى.