الماتى قالاسى قاج دەپارتامەنتى №11 مەكەمەسىندەگى جازاسىن وتەۋشى جاسوسپىرىمدەر مەن الماتى ديزاين جانە ءسان كوللەدجىنىڭ، الماتى لوگيستيكا جانە كولىك اكادەمياسىنىڭ كوللەدجى ستۋدەنتتەرى اراسىندا “كوڭىلدى ستارت” سپورت جارىسى ءوتتى.
بەس تۋر بويىنشا ۇيىمداستىرىلعان جارىستا جازالى بالالار مەن ستۋدەنتتەر قول كۇرەسى، ارقان تارتۋ، كىر تاسىن كوتەرۋ، تۋرنيككە تارتىلۋ سياقتى سپورتتىق ويىنداردان كۇش سىناستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ويىن سوڭىندا كوماندالاردىڭ جالپى ۇپايى تەڭ تۇسكەندىكتەن، تورەشىلەر جەڭىمپاز كوماندانى شاعىن فۋتبولدان جارىستىرىپ انىقتادى. تارتىستى وتكەن كوماندالىق جارىستا №11 مەكەمەسىنىڭ كومانداسى جەڭىسكە جەتتى. تورەشىلەردىڭ شەشىمى بويىنشا، ءبىرىنشى ورىنعا №11 مەكەمەسىنىڭ كومانداسى يە بولسا، 2-ورىنعا الماتى لوگيستيكا جانە كولىك اكادەمياسىنىڭ كوللەدجى، 3-ورىنعا الماتى ديزاين جانە مودا كوللەدجى يە بولدى.
№11 مەكەمەسى سوتتالعاندارمەن تاربيە جۇمىسىن جۇرگىزۋ ءبولىمىنىڭ كارانتين ءبولىمىنىڭ باستىعى س.بەكتەمىروۆ ۇيىمداستىرعان “كوڭىلدى ستارت” سپورت جارىسىنىڭ مازمۇندى وتۋىنە الماتى ديزاين جانە ءسان كوللەدجى، الماتى لوگيستيكا جانە كولىك اكادەمياسى كوللەدجىنىڭ ترەنەرلەرى ماديار سەيىتوۆ پەن باراح مەيرامبەك، قاسىم ەدىل بەلسەنە اتسالىستى. جارىس سوڭىندا جەڭىمپاز كوماندالارعا مەكەمە باستىعىنىڭ العىس حاتتارى تابىستالدى.