تاۋلىگىنە 12 مم جاۋىن-شاشىن: الماتىدا ارىقتاردان 590 م3 قوقىس شىعارىلدى
8 شىلدەدە ساعات 18:20-دان باستاپ الماتى قالاسىندا جەل كۇشەيىپ، جاڭبىر جاۋا باستادى، ول ۇزىلىستەرمەن كۇنى بويى جاۋدى. تاۋلىگىنە تاڭعى ساعات 9 - داعى جاعداي بويىنشا قالادا 12 مم، مەدەۋدە – 14 مم جاۋىن-شاشىن ءتۇستى.
جاڭبىر باستالعانعا دەيىن ءبىر تاۋلىك ىشىندە 92 ارنايى تەحنيكا جانە 326 جۇمىسشىنىڭ كۇشىمەن ارىق جەلىلەرىنىڭ پروبلەمالىق ۋچاسكەلەرىن، ارىق وتكەلدەرىن جانە كەزدەيسوق قوقىسقا ارنالعان جەرلەردى تازارتۋ جۇمىستارى ۇيىمداستىرىلدى. 360 م3 قوقىس سىرتقا شىعارىلدى.
سونىمەن قاتار، 2 مىڭنان استام قاپ قۇم دايىندالدى. تۇنگى كەزەڭدە 8-9 شىلدە ارالىعىندا ارىقتاردان 230 م3 قۇلاعان بۇتاقتار مەن قوقىس شىعارىلدى.
جاۋىن-شاشىن كەزىندە جەدەل ءموبيلدى بريگادالاردىڭ سانى 52-گە دەيىن ءوستى (ادەتتە 36-40)، سۋ تاسقىنىنىڭ الدىن الۋ جانە پروبلەمالى جەرلەردە سۋدىڭ كەدەرگىسىز ءوتۋىن قامتاماسىز ەتۋ ءۇشىن موتوپومپالارمەن باگرلەرمەن جانە باسقا دا شانس قۇرالدارىمەن جابدىقتالعان.
تج جونىندەگى جەدەل كەزەكشىنىڭ دەرەكتەرى بويىنشا 8 شىلدەدە كەشكى كەزەڭدە 6 سۋ تاسقىنى تىركەلدى، ولار جويىلدى.
سۋ تاسقىنىنىڭ نەگىزگى سەبەبى قاتتى جەل كەزىندە قۇلاعان بۇتاقتاردىڭ ارىق جەلىلەرى مەن ارىق وتكەلدەرىن بىتەۋى، سونداي-اق تۇرعىندار كوگالدار مەن تروتۋارلارعا تاستايتىن كەزدەيسوق قوقىستار.
بارلىعى 436 ارنايى تەحنيكا، 28 موتوپومپالار جانە 780 جول جۇمىسشىلارى جۇمىلدىرىلدى.
اۋدان اكىمدىكتەرىندە جۇمىس ءوندىرىسىن باقىلاۋ بويىنشا تاۋلىك بويى كەزەكشىلىك ۇيىمداستىرىلدى.
«قازگيدرومەت» رمك بولجامى بويىنشا بۇگىن كۇندىز ازداعان جاڭبىر، نايزاعاي بولادى. تەمپەراتۋرا +28... + 30 گرادۋس.
سۋ باسىپ قالۋدى بولدجىرماۋ ءۇشىن ارىقتاردى، كانالدار مەن نوسەر اعىندارىن قوقىسپەن بىتەمەۋدى سۇرايمىز.
قۇقىق بۇزۋشىلار ق ر اقبتك-نىڭ 505-بابى بويىنشا «قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق ينفراقۇرىلىم وبەكتىلەرىن بۇزۋ، قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ» بويىنشا اكىمشىلىك جاۋاپكەرشىلىككە تارتىلاتىن بولادى.