ازاماتتاردىڭ سەنىمىنە كىرىپ، كۇدىكتى الماتىلىقتارعا اقشالاي سىياقى ءۇشىن جاتاقحانالارىن جەكەشەلەندىرىپ بەرۋگە ۋادە ەتكەن.
ول جاتاقحاناداعى پاتەرلەردى ساتىپ الىپ، زاڭداستىرۋدى، قاجەت بولعان جاعدايدا قوعامدىق قور ارقىلى نەسيە الۋدى ۇسىنعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
ءبىراق بۇل “قىزمەتتەر” ءۇشىن الدىمەن اقى تولەۋ كەرەك بولدى.
«الاياقتىق دەرەگى بويىنشا قىلمىستىق ءىس تەرگەلىپ جاتىر. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. ءقازىر تەرگەۋشىلەر ۇستالعان ازاماتتىڭ وسىعان ۇقساس باسقا دا قىلمىسقا قاتىسى بار-جوعىن تەكسەرىپ جاتىر»، – دەدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
پوليسيا قىزمەتكەرلەرى زارداپ شەككەندەردىڭ كوپ بولۋى مۇمكىن ەكەنىن جوققا شىعارمايدى. وسىعان بايلانىستى ءتارتىپ ساقشىلارى مىنا تەلەفون نومىرلەرىنە حابارلاسۋعا شاقىرادى: 8-702-646-43-46؛ 8-778-591-91-35 جانە 8-778-481-19-00.