الماتىداعى جاتاقحانا قۇرىلىسى: 2023 جىلى جوسپار ەكى ەسە ارتىق ورىندالدى، دەپ حابارلايدى almaty-akshamy.kz
الماتى قالاسىنىڭ اكىمدىگى مەن عىلىم جانە جوعارى ءبىلىم مينيسترلىگى ستۋدەنتتەردى باسپانامەن قامتاماسىز ەتۋ ماقساتىندا 2023 جىلدىڭ ناۋرىز ايىندا جاتاقحانا قۇرىلىسىنا ارنالعان جوبالىق كەڭسەنىڭ جۇمىسىن باستادى. بۇل باستاما وقۋ ورىندارى مەن ينۆەستورلار اراسىنداعى ىنتىماقتاستىقتى نىعايتىپ، جاتاقحانا تاپشىلىعىن ازايتۋعا باعىتتالعان.
جوبالىق كەڭسەنىڭ ىسكە قوسىلۋى ناتيجەسىندە 120 ينۆەستور جاتاقحانا قۇرىلىسىنا قاتىسۋعا نيەت ءبىلدىردى. بۇل كورسەتكىش جاتاقحانا سالۋ جوباسىنىڭ تارتىمدىلىعىن ايعاقتايدى. 2023 جىلى جوسپارلانعان جاتاقحانا قۇرىلىسى ەكى ەسە ارتىعىمەن ورىندالىپ، 3 969 ورىنعا ارنالعان 14 نىسان پايدالانۋعا بەرىلدى.
جاتاقحانا تاپشىلىعى 32،7 مىڭ ورىننان 28،7 مىڭ ورىنعا دەيىن قىسقاردى. 2024 جىلى تاعى 6 690 ورىنعا ارنالعان 15 نىساننىڭ قۇرىلىسى جوسپارلانعان، بۇل باستاپقى جوسپاردان 2 مىڭ ورىنعا ارتىق.
2025 جىلعا دەيىنگى دامۋ باعدارلاماسى اياسىندا 12 مىڭ ورىنعا، ال 2030 جىلعا قاراي تاعى 20 مىڭ ورىنعا ارنالعان جاتاقحانالار ىسكە قوسۋ كوزدەلگەن. وسىلايشا، جوبالىق كەڭسەنىڭ قولداۋىمەن الماتىداعى جاتاقحانا تاپشىلىعى ماسەلەسى تولىقتاي شەشىلمەك.