ءبىر ادام مەرت بولىپ، ەكى ادام جاراقات العان.
ءسۇيىنباي داڭعىلى مەن بەكماحانوۆ كوشەسىنىڭ قيىلىسىندا بىرنەشە اۆتوكولىك سوعىسىپ، ءىرى جول-كولىك اپاتى بولدى، دەپ حابارلايدى Almaty-akshamy.kz
Volkswagen Golf كولىگى بەكماحانوۆ كوشەسىمەن باتىس باعىتقا بەت العان، ال ZAZ Chance جانە Chevrolet Ravon كولىكتەرى وعان قارسى باعىتتا كەلە جاتقان. ءسۇيىنباي داڭعىلىنىڭ قيىلىسىنداعى ءۇش كولىككە Hyundai Elantra كولىگى جوعارى جىلدامدىقپەن كەلىپ سوققان.
قاتتى سوققىدان Chevrolet كولىگىندەگى جولاۋشى تروتۋارعا ۇشىپ كەتكەن. اۋەجايعا بەت العان جاس جىگىت العان وقيعا ورنىندا كوز جۇمدى. ال جۇرگىزۋشى اۋرۋحاناعا جەتكىزىلدى.
ZAZ Chance كولىگىندە ءورت شىققان. جالىندى ءوتىپ بارا جاتقان جۇرگىزۋشىلەر ءسوندىردى.
Hyundai كولىگى جول جيەگىندەگى ارىققا شىعىپ كەتكەن. كولىكتەگى جولاۋشى اۋرۋحاناعا جەتكىزىلدى، جۇرگىزۋشىنى سول جەرگە كەلگەن پوليسەيلەر ۇستاپ الىپ، مەديسينالىق تەكسەرۋگە الىپ كەتتى. كۋاگەرلەردىڭ ايتۋىنشا، ول ىشىمدىك ءىشىپ العان.
وقيعا ورنىندا جول پوليسياسىنىڭ قىزمەتكەرلەرى جكو-نىڭ بارلىق ءمان-جايىن انىقتاۋدا.