جاسىل ەكونوميكا باسقارماسىنىڭ مەردىگەر ۇيىمدارى قالانىڭ بارلىق اۋداندارىنداعى اعاشتاردى زيانكەستەردەن ساقتاۋ ءۇشىن بيولوگيالىق وڭدەۋ جۇمىستارىنىڭ ءبىرىنشى كەزەڭىن باستايدى.
تيىمدىلىكتى ارتتىرۋ ءۇشىن جۇمىستار تۇنگى ۋاقىتتا ساع. 23:00 مەن 06:00 ارالىعىندا جۇرگىزىلەدى، دەپ حابارلايدى Almaty-akshamy.kz.
اتالعان ۋاقىت مۇنداي جۇمىستار ءۇشىن قولايلى بولىپ سانالادى، سەبەبى كۇن ساۋلەسى دارىلىك زاتتىڭ زيانكەستەرگە اسەرىن تومەندەتەدى.
وڭدەۋگە ق ر اۋماعىندا قولدانۋعا رۇقسات ەتىلگەن قاۋىپتىلىكتىڭ تومەنگى ساناتىنداعى بيولوگيالىق پرەپارات قولدانىلادى. وزىندىك ءيىسى بار، الايدا قورشاعان ورتاعا، ادامدارعا، ءۇي جانۋارلارى مەن وزگە دە ءتىرى اعزالارعا ەش زيانى جوق.
ءبىرىنشى كەزەڭ جۇمىستارى قالا بويىنشا ءبىر اي بويى جۇرگىزىلەدى. كەلەسى ءۇش كەزەڭ ماۋسىم، شىلدە، تامىز ايلارىندا وتكىزىلەدى. اۋلالار، ساياباقتار مەن كوشە بويىنداعى بارلىق جاسىل جەلەكتى وڭدەۋ جوسپارلانعان. وسى ورايدا قالا تۇرعىندارى مەن قوناقتارىن تۇسىنىستىك تانىتىپ، مامانداردىڭ جۇمىسىنا كەدەرگى كەلتىرمەۋلەرىن سۇرايمىز.