الماتى اكىمى جاسىل جەلەكتەردى سۋارۋ ماسەلەسىنە قاتىستى پىكىر ءبىلدىردى، دەپ حابارلايدى اlmaty-akshamy.kz.
اۋدان تۇرعىنى:
- جاسىل جەلەكتەر تۋرالى سۇراعىم بار. تامشىلاتىپ سۋارۋ جۇمىستارى اباي، سايىن، التىنسارين داڭعىلدارى بويىندا جۇرگىزىلدى، ءبىراق، سوعان قاراماستان، ول جەردەگى اعاشتار قۋراپ جاتىر. قالاداعى بارلىق جاسىل جەلەكتەردى تولىق تۇگەندەپ، سانيتارلىق كەسۋ جۇمىستارىن جۇرگىزۋ قاجەت، سونىمەن قاتار تامشىلاتىپ سۋارۋ ءادىسىن ورناتۋ تەحنولوگياسىن قايتا قاراۋدى سۇرايمىن.
الماتى قالاسىنىڭ اكىمى ەربولات دوسايەۆ:
- مەن ءسىزدى قولدايمىن. وكىنىشكە قاراي، اۋرۋ اعاشتاردى كەسۋگە ۇزىلدى-كەسىلدى قارسى ارىپتەستەرىڭىز بار. جىل سوڭىنا دەيىن جاسىل جەلەكتەردى كۇتۋ ەرەجەلەرىن قابىلدايمىز. بۇل قۇجاتتا تامشىلاتىپ سۋارۋ ءادىسىن سالۋ ەرەجەلەرى مەن ناقتى كريتەرييلەرى دە جازىلادى. قالانىڭ جاسىل قورىن كەزەڭ-كەزەڭىمەن جاڭارتۋ ماقساتىندا اعاشتاردىڭ جاعدايىن زەرتتەۋگە بارلىق بوتانيكا ينستيتۋتتارىن تارتامىز.