الماتى سوتى «ك» جاۋاپكەرشىلىگى شەكتەۋلى سەرىكتەستىگىنە جەر تەلىمىن پايدالانۋعا قاتىستى زاڭبۇزۋشىلىقتاردى جويۋدى مىندەتتەدى - كومپانيا جاسىل جەلەكتەردى جويىپ، ورنىنا اقىلى اۆتوتۇراق ۇيىمداستىردى.
الماتى قالاسىنىڭ مامانداندىرىلعان اۋدانارالىق ەكونوميكالىق سوتى جەر رەسۋرستارىن باسقارۋ دەپارتامەنتىنىڭ «ك» جشس-نە نۇسقامانى ورىنداۋعا مىندەتتەۋ تۋرالى تالاپ ارىزى بويىنشا ازاماتتىق ءىستى قارادى اlmaty-akshamy.kz.
«سوت انىقتاعانداي، 2022 جىلدىڭ جەلتوقسان ايىندا دەپارتامەنت جۇرگىزگەن تەكسەرۋ بارىسىندا "اۋماقتى كوگالاندىرۋ“ ماقساتىنداعى جەر تەلىمىن مەنشىك يەسى باسقا ماقساتتا پايدالانعان. جوعارىدا اتالعان مەكەمە جەر ۋچاسكەسىندە اقىلى اۆتوتۇراق ۇيىمداستىرىپ، جاسىل جەلەكتەردى جويىپ جىبەرگەن. زاڭناماعا سايكەس، ەگەر مەنشىك يەسى جەر ۋچاسكەسىنىڭ نىسانالى ماقساتىن بۇزسا، مەملەكەتتىك ۋاكىلەتتى ورگاندار بۇزۋشىلىقتاردى جويۋ جانە ونىڭ ماقساتتى تۇردە پايدالانىلۋىن قامتاماسىز ەتۋ بويىنشا شارالار قابىلدايدى»، — دەپ اتاپ ءوتتى قالالىق سوتتىڭ باسپا ءسوز قىزمەتى.
جاۋاپتى مەملەكەتتiك ورگان بۇزۋشىلىقتى جويۋ تۋرالى تيiستi نۇسقاما شاعارعان. الايدا، «ك» ءجشس-ى ۋاكىلەتتى ورگاننىڭ تالابىن ورىنداماعان.
«سوت ءىستىڭ ءمان-جايىن انىقتاي وتىرىپ، تالاپ ارىزدى قاناعاتتاندىرىپ، جاۋاپكەرگە جەر ۋچاسكەسىن ماقساتتى تۇردە پايدالانۋ ءۇشىن شارالار قولدانۋدى مىندەتتەدى»، — دەپ اتاپ ءوتتى ۆەدومستۆانىڭ باسپا ءسوز قىزمەتى.