الماتىدا مەديسينالىق-سانيتارلىق العاشقى كومەكتى (مساك دامىتۋ اياسىندا دەنساۋلىق ساقتاۋ سالاسى وبەكتىلەرىن سالۋ بويىنشا جوبالار ىسكە اسىرىلۋدا، دەپ حابارلايدى almaty-akshamy.kz
بۇگىن جەتىسۋ اۋدانىنىڭ كەمەل شاعىن اۋدانىندا (ەسىمحان كوشەسى 127) الماتى قالالىق №21 ەمحانا فيليالىنىڭ مساك-تىڭ كەزەكتى ورتالىعى اشىلدى.نىساننىڭ قۇرىلىسى 2021 جىلدىڭ قىركۇيەگىندە باستالدى.
مساك ورتالىعى اۋىسىمىنا 200 كەلۋگە ەسەپتەلگەن. قازىرگى زامانعى ەمدەۋ مەكەمەسى 9 مىڭ ەرەسەك جاندارعا جانە 3 مىڭنان استام بالاعا بىلىكتى مەديسينالىق كومەك كورسەتەتىن بولادى.
- اتالعان ورتالىقتىڭ اشىلۋى كەمەل شاعىن اۋدانى مەن جاقىن ماڭداعى اۋدانداردىڭ تۇرعىندارىن ساپالى مەديسينالىق قىزمەت كورسەتۋمەن قامتۋعا جانە قولدانىستاعى ءۇش ەمحانانىڭ: №21 بپ، №11 بپ جانە «قۇلاگەر» مساك ورتالىعىنىڭ جۇكتەمەسىن ازايتۋعا مۇمكىندىك بەرەدى، وندا بەكىتىلگەن حالىق سانى 156 مىڭ ادامدى قۇرايدى.
- بەس قاباتتى عيماراتتا تىركەۋ ءبولىمى، كۇندىزگى ستاسيونار، تەراپيا، گينەكولوگيا، بالالار، ستوماتولوگيالى، وڭالتۋ جانە فيزيوتەراپيا بولىمدەرى جانە ت. ب. ورنالاسقان.
- ورتالىقتا قابىلداۋدى جوعارى بىلىكتى ماماندار جۇرگىزەدى: جالپى پراكتيكا دارىگەرلەرى، تەراپيەۆت، اكۋشەر-گينەكولوگ، نيەۆروپاتولوگ، ەندوكرينولوگ، كارديولوگ، لور، وكۋليست، اللەرگولوگ، حيرۋرگ – تراۆماتولوگ، رەابيليتولوگ.
- ساپالى مەديسينالىق كومەك كورسەتۋ ءۇشىن ورتالىق زاماناۋي قۇرىلعىلارمەن جابدىقتالعان، ولاردىڭ ىشىندە: ساراپتامالىق كلاسس اپپاراتتارى - ۋدز، ەكگ، دەفيبريللياتور، 3 داچيگى بار ۋلترادىبىستىق ءتۇستى سكانەر، ستەريلدى قۇرالداردى ساقتاۋعا ارنالعان ۋلتراكۇلگىن كامەرالار، ستوماتولوگيالىق كەشەن جانە باسقالار.
ايتا كەتەرلىگى، حالىققا مەديسينالىق قىزمەت كورسەتۋدى دامىتۋ الماتى قالاسى اكىمدىگىنىڭ باستى مىندەتتەرىنىڭ ءبىرى بولىپ تابىلادى. قالا بويىنشا بۇگىندە اۋەزوۆ جانە جەتىسۋ اۋداندارىندا 2 مساك ورتالىعى جانە جەتىسۋ اۋدانىندا 1 جاڭا ەمحانا اشىلدى.
الماتى قالاسىنىڭ ءبىرىڭعاي ستاندارتى بويىنشا 11 مساك ورتالىعى مەن ەمحانالاردىڭ قۇرىلىسىنا جسق ازىرلەنۋدە (مەملەكەتتىك ساراپتامانىڭ قورىتىندىسىن الۋدىڭ جانە جسق ازىرلەۋدىڭ اياقتالۋ مەرزىمى – 2024 جىلعى I توقسان).
ءبىرىڭعاي ستاندارت وزىق حالىقارالىق تاجىريبە نەگىزىندە ازىرلەنگەن العاشقى مەديسينالىق-سانيتارلىق كومەك كورسەتۋدى بىلدىرەدى.
مساك ءبىرىڭعاي ستاندارتى جوبالىق-تەحنولوگيالىق شەشىمدەرگە، مەديسينالىق قىزمەتتەر كورسەتۋ رەگلامەنتتەرىنە، مەنەدجمەنتكە جانە سيفرلاندىرۋعا 3 نەگىزگى كريتەريي بويىنشا: قولجەتىمدىلىك، ساپا جانە تەحنولوگيالىلىق تاسىلدەرىن ستاندارتتاۋدى كوزدەيدى.
قولجەتىمدىلىك كريتەرييى اۋدانداردى ايماقتارعا ءبولۋ، پاسيەنتتەر اعىنىن ءبولۋ، زاماناۋي ناۆيگاسيا جانە ينكليۋزيۆتى ورتا قۇرۋ بويىنشا ءبىرىڭعاي جوبالىق-تەحنولوگيالىق شەشىمدەر كەشەنىن قامتيدى.
وسى تالاپتارعا سايكەس بەكىتىلگەن حالىق سانىنا بايلانىستى جابدىقپەن جاراقتاندىرۋدىڭ جانە ماماندارمەن قامتاماسىز ەتۋدىڭ ءبىرىڭعاي ستاندارتتارى ازىرلەندى. مىسالى، اۋىسىمدا 500 كەلۋشىگە ارنالعان مساك ءۇشىن كەم دەگەندە جوعارى تەحنولوگيالىق دياگنوستيكالىق جابدىقتىڭ (مرت، كت، فليۋوروگرافيا، سيفرلىق مامموگرافيا، ۋلترادىبىستىق اپپاراتتار، ەندوسكوپيا، وفتالمولوگيا جانە جۇكتەمە سىناقتارىنىڭ زاماناۋي جۇيەسى) زاماناۋي جيىنتىعى بولۋى ءتيىس. مامانداردىڭ ءبىرىڭعاي ستاندارتى-كەم دەگەندە مىندەتتى 8 دارىگەردىڭ (حيرۋرگ، نيەۆروپاتولوگ، تراۆماتولوگ، كارديولوگ، وفتالمولوگ، ونكولوگ، ەندوكرينولوگ، وتورينولارينگولوگ) جانە ەڭ كوپ سۇرانىسقا يە ماماندىقتار بويىنشا قوسىمشا 5 جەكە ماماندى (ۋرولوگ، ريەۆماتولوگ، اللەرگولوگ، پۋلمونولوگ، گاستروەنتەرولوگ) قامتيدى.
سونىمەن قاتار، ءاربىر ەمحانادا حالىقپەن كەرى بايلانىستىڭ ءبىرىڭعاي ستاندارتى جاسالادى. مەديسينالىق شەشىمدەردى تالداۋ جانە دياگنوستيكا، دەرەكتەردى ورتالىقتاندىرىلعان وڭدەۋ ءۇشىن جاساندى ينتەللەكت قولدانىلادى. سونداي-اق، تەلەمەديسينانى قوسا العاندا، قاشىقتىقتان مەديسينالىق قىزمەتتەر كورسەتۋ جونىندەگى سەرۆيس داميتىن بولادى.