الماتىدا جاسىل جەلەكتەردى جىل سايىنعى بيولوگيالىق وڭدەۋدىڭ ءتورتىنشى كەزەڭى باستالادى، دەپ حابارلايدى aqshamnews.kz
جىل سايىن ەكولوگيا جانە قورشاعان ورتا باسقارماسى بيولوگيالىق وڭدەۋدى ءتورت كەزەڭدە جۇرگىزەدى. العاشقى ءۇش كەزەڭ وسى جىلدىڭ مامىرىنان شىلدەسىنە دەيىن ءوتتى. ءتورتىنشى كەزەڭ ءبىر ايعا سوزىلادى، كۇن اشىق كەزدە وڭدەلەدى.
اعاشتىڭ جاعدايىن جاقسارتۋ، ساقتاۋ جانە ءارتۇرلى زياندى ورگانيزمگە توزىمدىلىگىن ارتتىرۋ ءۇشىن الماتى قالاسىندا جاسىل جەلەكتەردى بيولوگيالىق وڭدەۋ جۇمىستارى جۇرگىزىلۋدە. جاقسى اسەر ەتۋ جانە تيىمدىلىكتى ارتتىرۋ ءۇشىن بۇل تۇنگى ۋاقىتتا، جاۋىن-شاشىن جوق كەزدە ساعات 23:00-دەن 05:00-گە دەيىن جۇرگىزىلەدى.
بۇل جۇمىسقا كليماتتىق فاكتوردى ەسكەرە وتىرىپ، ق ر اۋماعىندا قولدانۋعا رۇقسات ەتىلگەن جانە ادامعا، قۇس پەن جانۋارعا زيانسىز، ءقاۋپى از سەرتيفيكاتتالعان بيولوگيالىق جانە كەيبىر جاعدايدا حيميالىق پرەپاراتتار (پ-4) پايدالانىلادى.
جالپى، جاپىراق جەيتىن زيانكەستەر مەن ساڭىراۋقۇلاق اۋرۋلارىنىڭ قوزدىرعىشتارىنا قارسى 2،3 ميلليوننان استام اعاش وڭدەۋ جوسپارلانعان. زيانكەستەر مەن اۋرۋلاردىڭ بيولوگياسىنىڭ ەرەكشەلىكتەرىنە سۇيەنە وتىرىپ، وڭدەۋ تۇندە جانە تاڭعى ۋاقىتتا جۇرگىزىلەدى.
الماتى قالاسى ەكولوگيا جانە قورشاعان ورتا باسقارماسى