الماتىدا جاسىل جەلەكتەردى جىل سايىنعى بيولوگيالىق وڭدەۋدىڭ سوڭعى كەزەڭى وتۋدە، دەپ حابارلايدى aqshamnews.kz
اعاشتاردىڭ تۇراقتى جاعدايىن جاقسارتۋ، ساقتاۋ جانە ولاردىڭ ءارتۇرلى زياندى ورگانيزمدەرگە توزىمدىلىگىن ارتتىرۋ ءۇشىن الماتى قالاسىندا جاسىل جەلەكتەردى بيولوگيالىق وڭدەۋ جۇمىستارى جۇرگىزىلۋدە. ەڭ كوپ اسەر ەتۋ جانە تيىمدىلىكتى ارتتىرۋ ءۇشىن وڭدەۋ تۇندە جاۋىن-شاشىن بولماعان كەزدە جۇزەگە اسىرىلادى.
بيىلعى جىلى بيولوگيالىق وڭدەۋ دە ءتورت كەزەڭدە جۇرگىزىلەدى. العاشقى ءۇش كەزەڭ قالادا ساۋىردەن تامىزعا دەيىن ءوتتى. ءتورتىنشى كەزەڭ 15 تامىزدا باستالدى جانە اۋا-رايىن ەسكەرە وتىرىپ، 20 قىركۇيەككە دەيىن جالعاسادى.
وتكەن جىلدان باستاپ مونوفاگ زيانكەستەرىنە ماكسيمالدى اسەر ەتۋ ءۇشىن ءبىرىنشى كەزەڭدە (ۆەگەتاسيالىق كەزەڭنىڭ باسىندا) ءتورت رەت ەمەن جانە ەكى رەت تەرەك وڭدەۋ جۇرگىزىلەدى. ايتا كەتۋ كەرەك، بۇرىن وسىمدىكتەردى بيولوگيالىق قورعاۋ ۆەگەتاسيالىق كەزەڭنىڭ باسىندا تەك ءبىر رەت جۇرگىزىلدى، ءبىراق مۇنداي وڭدەۋ جيىلىگى جاسىل كەڭىستىكتەرگە تەرىس اسەر ەتەتىن مونوفاگ زيانكەستەرى ءۇشىن جەتكىلىكسىز.
جۇمىستا كليماتتىق فاكتورلاردى ەسكەرە وتىرىپ، ق ر اۋماعىندا قولدانۋعا رۇقسات ەتىلگەن جانە ادامدارعا، قۇستار مەن جانۋارلارعا زيانسىز سەرتيفيكاتتالعان بيولوگيالىق پرەپاراتتار پايدالانىلادى.
جاپىراق جەيتىن زيانكەستەر مەن زەڭ اۋرۋلارىنىڭ قوزدىرعىشتارىنا قارسى ەمدەۋ 2،3 ميلليوننان استام اعاشتى قامتيدى دەپ جوسپارلانۋدا. زيانكەستەر مەن اۋرۋلاردىڭ بيولوگياسىنىڭ ەرەكشەلىكتەرىنە سۇيەنە وتىرىپ، ەمدەۋ تۇندە جانە تاڭەرتەڭ جۇرگىزىلەدى.