بارلىق نيەت بىلدىرۋشىلەردى اكادەمياعا وقۋعا قاتىسۋعا شاقىرادى. بۇل تۋرالى الماتىنىڭ وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى جاستار ساياساتى باسقارماسىنىڭ جاستاردى الەۋمەتتەندىرۋ جانە جاستار باستامالارىن قولداۋ ءبولىمىنىڭ باسشىسى نۇرسۇلتان بەكقايىروۆ مالىمدەدى، دەپ حابارلايدى almaty-akshamy.kz
جاستار ساياساتى باسقارماسىنىڭ قولداۋىمەن "الماتى قالاسىنىڭ جاستار ۇيىمدارىنىڭ اكسەلەراتورى" جوباسى ىسكە قوسىلادى. جوبانىڭ ماقساتى – الماتى قالاسىنىڭ جاستار ساياساتى سالاسىن دامىتۋدىڭ ستراتەگيالىق قادامدارىن ازىرلەۋ ماقساتىندا ءتيىمدى، ساپالى جانە ناتيجەلى توپتىق تالقىلاۋلاردى ۇيىمداستىرۋ.
جوبا اياسىندا الماتى قالاسىنىڭ جاستار ۇيىمدارىن وقىتۋ بويىنشا ارنايى اكادەميا قۇرىلادى. اكادەميا جاستار مەن جاستار ۇيىمدارىنىڭ مۇشەلەرىن مودۋلدىك باعىتتار، ءتۇرلى تاقىرىپتار بويىنشا وقىتادى. وقىتۋ كەلەسى سالالاردى قامتيدى:
- جوبالاردى باسقارۋ
- ۇەۇ-نى ۇيىمدىق-ينستيتۋسيونالدىق دامىتۋ
- گرانتتارعا وتىنىمدەردى تولتىرۋ
- قارجىلىق جانە شىعارماشىلىق مەنەدجمەنت
"بۇل كۋرس ءوز قىزمەتىن جاڭادان باستاعان ۇەۇ-نىڭ بارلىق وكىلدەرى ءۇشىن، سونداي-اق الەۋمەتتىك پروبلەمالاردى شەشۋ جولدارىن ساپالى جانە ءتيىمدى تاڭداۋدى جانە ولاردى ىسكە اسىرۋدى بىلمەيتىن جاستار ءۇشىن وتە پايدالى جانە ماڭىزدى بولادى"، - دەپ ناقتىلادى نۇرسۇلتان بەكقايىروۆ.