الماتىدا جاستار ساياساتى باسقارماسىنىڭ قولداۋىمەن حالىقارالىق جاستار كۇنىنە وراي قالامىزدا جانە كوميۋنيتي ورتالىقتاردىڭ بازاسىندا 60-تان استام ارنايى شارالار وتكىزۋ جوسپارلانعان.
الماتى – جاستار قالاسى، مۇندا 14 پەن 35 جاس ارالىعىنداعى 695،6 مىڭ جاس تۇرادى.
وسى رەتتە، اعىمداعى جىلدىڭ 3 تامىزى مەن 12 تامىز ارالىعىندا 10 باعىت بويىنشا («Taza Qazaqstan»، «Jas kelse. Iske!»، «Densaulyk – zor bailyk»، «Gylym tappai maqtanba»، «Meyirimdilik mekeni»، «Adal Azamat»، «Enbek barin de jenbek»، «Ystyq qairat. Nurly aqyl. Jyly jurek»، «Qorgan-24»، «Jasratmen birge») جاستاردىڭ شىعارماشىلىق الەۋەتىن اسىرۋعا جانە سالاۋاتتى ءومىر سالتىن قالىپتاستىرۋ ماقساتىندا ءىس-شارالار ۇيىمداستىرىلادى.
«1999 جىلدان باستاپ بۇكىل الەمدە 12 تامىزدا حالىقارالىق جاستار كۇنى اتاپ وتىلەدى. بۇل جاستارعا، ولاردىڭ جەتىستىكتەرى مەن الەۋەتىنە ارنالعان ەرەكشە كۇن. ءبىز قارقىندى وزگەرىستەر مەن جاھاندىق سىن-قاتەرلەر داۋىرىندە ءومىر ءسۇرىپ جاتىرمىز. جاستار باتىلدىق پەن شىعارماشىلىقتىڭ ۇلگىسىن كورسەتە وتىرىپ، وسى پروسەستەردىڭ الدىڭعى قاتارىندا. ءبىزدىڭ مىندەتىمىز – ساپالى ءبىلىم الۋعا، دەنساۋلىق ساقتاۋعا جانە جۇمىسقا ورنالاسۋ مۇمكىندىكتەرىنە قول جەتكىزۋدى قامتاماسىز ەتە وتىرىپ، ولاردىڭ دامۋى ءۇشىن قولايلى جاعدايلار جاساۋ»، - دەدى الماتى قالاسى جاستار ساياساتى باسقارماسىنىڭ باسشىسى مىندەتىن اتقارۋشى ازيز كاجدەنبەك.
12 تامىز - حالىقارالىق جاستار كۇنى كۇنى قالا كاسىپكەرلەرىمەن بىرلەسىپ، 14-35 جاس ارالىعىنداعى جاستارعا ارنالعان «Jas Almaty» اۋقىمدى اكسياسىن وتكىزۋ جوسپارلانعان. ءىس-شارا اياسىندا قوعامدىق تاماقتانۋ مەن پايدالى دەمالىس سالاسىندا جەڭىلدىكتەر جاسالادى.
ءىس-شارالار تۋرالى قوسىمشا اقپاراتتى jas.almaty جانە كوميۋنيتي-ورتالىقتاردىڭ ينستاگرام پاراقشالارىنان كورە الاسىزدار.