حالىقارالىق جاستار كۇنىن مەرەكەلەۋ اياسىندا الماتى قالاسى جاستار ساياساتى باسقارماسى الماتى قالاسى تۋريزم باسقارماسىمەن بىرلەسىپ ءبىرقاتار ارنايى اكسيالار جوسپارلاپ وتىر.
12 تامىز كۇنى ساعات 10:00-دەن 00:00-گە دەيىن جاستارعا ارنالعان «كوك-توبە» ساياباعىندا ەكى باعىتقا اسپالى جولعا 20% جەڭىلدىك بولادى.
14 تامىزدا ساعات 09:00-دەن 12:00-گە دەيىن «شىمبۇلاق» تاۋ-شاڭعى كۋرورتىنىڭ اسپالى جولىندا جاستار ءۇشىن تەگىن كوتەرىلۋ جانە ءتۇسۋ ۇيىمداستىرىلادى. سونىمەن قاتار، 12 تامىزدا بارلىق نيەت بىلدىرۋشىلەر الماتىنىڭ تانىمال Park Hotel Almaty جانە Shera Inn Hotel قوناق ۇيلەرىندە تۇرۋعا 15% جەڭىلدىكتى پايدالانا الادى.
سونداي-اق، ءال-فارابي داڭعىلى، 176ا مەكەنجايى بويىنشا «Hide Park» اۋماعىندا Jas Fest-2023 قالالىق جاستار فەستيۆالى وتەدى.
ال قالانىڭ 8 اۋدانىندا كەلەسى مەكەنجايلار بويىنشا بارلىعى كينو كورە الادى:
1. اۋەزوۆ اۋدانى: 12 شاعىن اۋدانى، 20 ا
2. ناۋرىزباي اۋدانى: شۇعىلا، 347
3. مەدەۋ اۋدانى: وماروۆ، 35
4. بوستاندىق اۋدانى: ءال-فارابي، 176
5. جەتىسۋ اۋدانى: اينابۇلاق، 2 65 ب
6. الاتاۋ اۋدانى: نۇركەنت 5 شاعىن اۋدانى، ك16-19
7. تۇركسىب اۋدانى: التاي-1 شاعىن اۋدانى، 11 ب
8. المالى اۋدانى: بايتۇرسىنوۆ، 22ك1
ەستەرىڭىزگە سالا كەتەيىك، قازاقستان رەسپۋبليكاسىنىڭ «مەملەكەتتىك جاستار ساياساتى تۋرالى» زاڭىنا سايكەس 14 پەن 35 جاس ارالىعىنداعى قازاقستاندىقتار جاستار دەپ تانىلادى.